УИХ-ын гишүүн Ж.Батзандан, Л.Болд нар тэтгэврийн зээл аваагүй ахмадуудад нэг сая төгрөг бэлэнээр олгохгүй бол бүх нийтийн ажил хаялт хийхийг иргэдийг уриалаад байгаа. Тодруулбал, өнөөдөр Сүхбаатарын талбайд ШИНЭ намаас жагсаал зохион байгуулж, тэтгэвэр барьцаалсан зээлийг нэг удаа тэглэх асуудлыг эсэргүүцсэн юм. Тэгвэл уг жагсаалаас гарсан шаардлагыг УИХ-ын дарга Г.Занданшатарт хүргүүлэхийн тулд Ж.Батзандан, Л.Болд нар чуулганы дэгийг зөрчив. 

УИХ-ын чуулганы өнөөдрийн хуралдаанаар Тэтгэвэр барьцаалсан зээлийн төлбөрийг тэглэх тухай хуулийн төслийг хэлэлцэж байх үеэр дээрх гишүүд ийнхүү шаардлагаа хүргүүлсэн. Үүний хариуд УИХ-ын дарга Г.Занданшатар чуулганы дэгийг сахиулахыг сануулаад танхимд дураараа авирлахгүй байхыг анхаарууллаа.