Эрүү, Эрүүгийн хэрэг хянан шийдвэрлэх тухай хууль, Зөрчил, Зөрлийн хэрэг хянан шийдвэрлэх тухай хууль, Шүүхийн шийдвэр гүйцэтгэх тухай хууль зэрэг хуулиудад нэмэлт, өөрчлөлт оруулж баталсан билээ. Энэ талаар УИХ-ын гишүүн Х.Нямбаатар “Эдгээрийн хуулийн автор нь Засгийн газар. Эдгээр хуулийн өөрчлөлтөөр зарим төрлийн зөрчлийг эрүүгийн гэмт хэрэгт хамаатуулсан. Тухайлбал, гүтгэх, доромжлох зэрэг заалтыг Эрүүгийн хуульд хамаатуулж, эрүүгийн гэмт хэрэгт томъёолсон.

Эрүүгийн хуульд заасан зарим төрлийн гэмт хэрэгтэй уялдсан гэмт хэргийг Зөрчлийн тухай хуульд оруулсан. Тухайлбал, ажлын байран дахь бэлгийн дарамт. Одоо хүчин төгөлдөр мөрдөгдөж байгаа Эрүүгийн хуульд зааснаар хүчиндэх гэмт хэргийн хүндрүүлэх бүрэлдэхүүнд ажлын байран дахь бэлгийн дарамтыг зохицуулсан байдаг. Өөрөөр хэлбэл, ажлын байранд бэлгийн дарамт үзүүлэх замаар бэлгийн харилцаанд орсон бол хүчиндэх гэмт хэрэг гэж үздэг. Үйлдлээ үг хэлээр үзүүлж, тэвчишгүй байдалд хүргэсэн бол хариуцлага хүлээлгэх боломжгүй байгаа. Үүнийг Зөрчлийн тухай хуульд хамаатуулж, зөрчил гэж үзнэ.

Энэ нь хүндэрч үйлдэл болбол эрүүгийн хариуцлага хүлээлгэнэ.

Нөгөөтээгүүр, илтэд гүтгэж, доромжловол эрүүгийн хариуцлага хүлээлгэнэ. Сэтгүүлчдийн нэгдсэн эвлэлтэй ярилцаад энэ томъёолол дээр санал нэгдсэн. Гэхдээ зөвхөн сэтгүүлчид бус бүх иргэдэд хамааралтай. Өөрөөр хэлбэл, илтэд худал мэдээллийг цахим орчинд түгээсэн иргэд, аж ахуйн нэгжийг торгох арга хэмжээ авна. Баримт, нотолгоотой эрэн сурвалжлах сэтгүүл зүйн бүтээл бүтээгээд түүнийгээ баримтаар нотолж чадвал хариуцлага хүлээхгүй шүү дээ. Харин илтэд худал мэдээллийг түгээх замаар гүтгэж, доромжилбол торгох арга хэмээ авна" гэлээ.

Г.Маргад