Ерөнхий сайд асан Ч.Сайханбилэг нарын хүмүүсийг Дубайн гэрээтэй холбогдох хэрэгт яллагдагчаар татан, хэргийг шүүхэд шилжүүлсэн билээ. Үүний дараа тэрбээр АНУ руу хил давсан учир АТГ болон ЦЕГ-аас эрэн сурвалжилж эхэлсэн.

Тэгвэл тэрбээр энэ талаараа өөрийн цахим хуудастаа "Гүтгэлэг бүхэнд хариулт өгнө. Зугтаасан гэх зохиолтой жүжиг хэзээ дуусах вэ? Өмгөөлөгчөөрөө дамжуулж тогтмол хууль хүчний байгууллагатай холбоотой ажиллаж байгаа. Улс төрийн зохиомол жүжгийн гол дүр нь болж хэлмэгдэх ёстой бол төрийн хамгаалалт нь хамт явж байгаа эхлээд та бүхэн шаардлагын дагуу шалгалтаа хийнэ үү" гэжээ.

Харин энэ талаар АТГ-аас улсын хилээр гарахдаа тусгай хамгаалалтын комиссартай хамт яваагүй. Энэ бол ташаа зүйл гэсэн юм.

Одоогийн нөхцөл байдалд АТГ-аас интерполд хандсаны дагуу түүний байршлыг тогтоосон бол ЦЕГ-аас түүнийг эрэн хайж буйгаа зарлаад байгаа. Бодит нөхцөл байдал, хуулийн байгууллагын ажиллаж байгаа, мэдэгдсэн мэдэгдлээс үзвэл Ерөнхий сайд асан Ч.Сайханбилэг өөрийн цахим хуудсаар дамжуулан худал хэлэв үү, эсвэл хэн нэгэн түүний нэрийг барьсан гэх асуудал нийгэмд хөндөгдөж эхлээд байна

Г.Алимаа