Эдийн засагч Л.Наранбаатарыг саатуулсан талаар хохирогч М.Ариунтулга мэдээлэл хийлээ.

Тэрбээр “Л.Наранбаатарыг иргэд андахгүй дээ. Энэ хүн хонгил руу чирэгдэхээр боллоо. Өмгөөлөгчөөрөө дамжуулж хэвлэлийн хурал хийнэ гэж байна лээ. Та бүхний харж байгаагаар хоёр цаг 39 минутын өмнө гэж байна. Яг энэ цаг үед юу болов. Баянгол дүүрэг дээр Эрүүгийн хэргийн анхан шатны шүүх хурал хуралдаж, захирамж гарсан байдаг. Энэ хүн залилангийн хэрэгт шалгагдаж, шүүгдсэн юм. Шүүх хурал гурав гаруй цагийн турш үргэлжилж, энэ сарын 15-нд захирамж гаргасан.

Шүүхийн шийдвэрээр М.Ариунтулгыг залилсан хэрэгт гэм буруутайд тооцож, ял оноосон. Ял нь торгуулийн ял.

Миний хувьд гаднын улсад 10 гаруй жил сурч, ажиллаад эх орондоо ирээд мөн хугацааг үдэж байна. Сүүлийн есөн жил Л.Наранбаатарт залилуулж, дээрэмдүүлсэн. Таван жил хуулийн байгууллага шалгаад өчигдөр шийдвэрээ гаргалаа. Хамгийн инээдтэй нь таван жил залилж, доромжилчихоод торгуулийн ял авлаа. Надад өгөх ёстой мөнгийг таван жилийн турш арилжааны банкинд хадгалуулж, зөвхөн хүүг нь авсан бол 400 гаруй сая төгрөг болчихсон байх ёстой.

Үүнийх нь  20 сая төгрөгөөр л шүүгч яллачхаж байна.

Шүүх гэдэг байгууллага завхарсаны тод жишээ энэ. Намайг залилж, дээрэмдсэн Л.Наранбаатартай эрүү болон иргэний дөрвөн шүүхээр орж үзлээ. Л.Наранбаатарыг торгуулийн ял аваад гарахад нь шүүгч түүнээс асуусан юм.

“Та торгуулийн мөнгийг төлөх үү” гэхэд “Үгүй” гэсэн.

Шүүгч хариуд нь “Та энэ мөнгийг улсдаа тодорхой хугацаанд хувааж өгөөрэй” гэдэг захирамж гардаг юм байна. Үүнд маш сэтгэл дундуур байна. Хамгийн эелдгээр хэлье. Шүүх хамгийн сүйрчихсэн газар юм байна” гэлээ.

А.Сүх