Улсын Их Хурлын Хууль зүйн байнгын хорооны өнөөдрийн хуралдаанаар Мөнгө угаах терроризмыг санхүүжүүлэхтэй тэмцэх тухай хууль, Нягтлан бодох бүртгэлийн тухай хууль, Санхүүгийн зохицуулах хорооны эрх зүйн байдлын тухай нэмэлт оруулах тухай төслийг чуулганы хуралдаан суусан 45 гишүүдийн олонхийн саналаар баталлаа. Үүний дараа  Эрүүгийн хуульд нэмэлт, өөрчлөлт оруулах тухай болон хамт өргөн мэдүүлсэн хуулийн төслүүдийг батлах санал хураалт явуулах үеэргишүүдийн дунд хүчтэй маргаан үүссэн.

Тухайлбал,

Х.Нямбаатар: Татвар төлөхөөс зайсхийсэн гэдэг бол татвараа хожимдуулсан гэдэг ойлголт огтоос биш. Хамгийн багадаа 3-4 тэрбум төгрөгийн цэвэр орлого олчихоод татварын байгууллагад мэдэгдүүлэхгүй нуух замаар санаатайгаар татвараас нуугддаг. Энэ мэт үйлдлийг Эрүүгийн хуулиар зүйлчилж, торгуулийн ялтай болгох зохицуулалт оруулж ирсэн. Гишүүд өөрсдөө мэдэцгээ. 3-4 тэрбум төгрөгийн орлого олсон ААН нэг ч төгрөгийн татвар төлөхгүй байхыг дэмжиж байгаа бол энэ хуулийн төслийг унагаана биз. О.Баасанхүү гишүүн зориуд сонин юм ярихаа боль. Ганбаатар гишүүн ээ, энэ миний ярих цаг шүү. Та дараа нь яриарай. Ийм юм аа. Нэгдүгээрт 300 мянган нэгжтэй тэнцэх хэмжээний татвар ногдох орлогийг зориуд санаатай худал мэдүүлсэн тохиолдолд торгуулийн ялтай болгоно.

-Ганбаатар: Болио.

УИХ-ын дэд дарга Энх-Амгалан: Ганбаатар гишүүн ээ, би үүнийг сонсоодхоё доо.

Х.Нямбаатар: ЖДҮ-гийн талаар огт яриагүй, бичээгүй байна. Дараагийн нэг зүйл нь 2015 онд батлагдсан Эрүүгийн хуулиар ААН-ийг хариуцлага хүлээдэг эрүүгийн эрх зүйн сүбьект болгосон. FATF-аас ирсэн зөвлөмжийн хүрээнд татвар төлөхөөс зайлсхийсэн ААН-д эрүүгийн хариуцлага хүлээлгэдэг болгооч ээ гэдэг зүйлийг л яриад байна. Ганбаатар гишүүн ээ. Та хүн болгон луу дайрдагаа боль л доо. Миний ярих цаг. Та цагаа ав л даа.  50 сая төгрөг хүртэлх татвараа нуусан бол Зөрчлийн хуулиар хариуцлага хүлээлгэнэ. Үүнээс дээш бол Эрүүгийн хуулийн 18.3.1-ээр зүйлчилнэ. Гурван тэрбум төгрөгөөс дээш ийм хариуцлага хүлээлгэе гэж байна. Та нар кнопоороо шийд. Дэлхийд эх орноосоо урвах, татвар төлөхөөсөө зайлсхийхийг гэмт хэрэг гэж үздэггүй улс орон байхгүй шүү.

Г.Нацаг-Эрдэнэ