Монголын үйлдвэрчний эвлэл болон бусад холбооны зүгээс мэдээлэл хийлээ.  Энэ үеэр “650 мянган даатгуулагчийн эрх ашгийг хамгаалах үүднээс энэ мэдэгдлийг хийж байна. Албан журмын даатгалаас жилдээ 35 тэрбум төгрөг даатгалын санд хуримтлагддаг. Гэтэл энэ хөрөнгийг юунд зарцуулдаг юм бэ. Уг нь албан журмын даатгал төлсөн юм чинь осол, гэмтлийн үед зардлаа төлүүлэх ёстой. Гэтэл хураамжийн 30 орчим хувь нь энэ төрлийн үйл ажиллагаанд зарцуулагдаж байна. Хариуцлагагүй, сахилгагүй жолооч бий юү гэвэл бий. Гэхдээ Монголын ард түмний нэг хэсэг. Тэднийг хариуцлагажуулах хэрэгтэй. Тэгэхгүй бол ард түмэн хохирч байна. Үүний тулд төрөөс түлхүү анхаарах ёстой. Энэ ч утгаараа Жолоочийн хариуцлагын тухай хуулийг баталсан. Ингэснээр жолоочийн хариуцлагын тогтолцоо бий болсон. Энэ бол маш сайн зүйл. Осол аваар гаргасан жолооч нарт хариуцлага тооцдог, учруулсан хохиролыг нь нөхөн төлдөг болсон.

Гэвч осол аваар гаргалгүйгээр хариуцлагатай, ухамсартай жолоо барьж байгаа жолооч нар нөгөө талдаа хохирч байна.

Учир нь дээр хэлсэн нийт хураамжийн 50 орчим хувиар зам тээврийн хохиролыг нөхөн төлдөг. Зам тээврийн осол гаргагчид нийт даатгуулагчдын тав орчим хувь. Өөрөөр хэлбэл, осол гаргадаггүй, хууль зөрчдөггүй жолооч нарын төлсөн татвараар хариуцлагагүй жолооч нарын гаргасан хохиролыг төлүүлж байна. Угтаа бол хариуцлагатай жолооч нарыг урамшуулж, татварын хөнгөлөлтөд хамруулж байх ёстой. Тогтолцоо буруу байна. Нөгөө талаасаа хариуцлага алддаг, ухамсаргүй жолооч нарт оногдуулах хариуцлагыг чангаруулах ёстой” гэлээ.

Г.Маргад