Эрүүл мэндийн даатгалын ерөнхий газраас шаардлага хангаагүй лабораториудыг зарлалаа. Тодруулбал, "Элэг бүтэн Монгол" үндэсний хөтөлбөрийн хүрээнд хепатитын В, С вирус тодорхойлох шинжилгээ хийдэг 28 лабораторийг шалгалтад хамруулахад 15 нь шалгалтад бүдэрсэн учир тус байгууллагаас тэдгээрийн гэрээг түдгэлзүүлж, зарим лабораториудад 1.5 тэрбум гаруй тѳгрѳгийн торгууль, акт тавьсан байна. Шалгалтаар Эрүүл мэндийн даатгалын байгууллагатай байгуулсан гэрээний үүргийн биелэлт хангалтгүй, орчин нөхцөл тааруу зэрэг зөрчил дутагдал илэрсэн байна. Тиймээс зарим лабораторийн эрүүл мэндийн даатгалын сангаас зардлын төлбөрийг нь хариуцан элэгний В, С вирусийн идэвхжил тодорхойлох шинжилгээ хийх гэрээг түр  түдгэлзүүлж, алдаа зөрчлийг арилгах, даатгалын санг хохиролгүй болгох хугацаат албан даалгавар, зөвлөмж хүргүүлжээ.

Шалгалтад,

1. Итгэл
2. Онкоген
3. Гэгээн Ар үр
4. Евростандарт
5. Ай ти
6. Улсын II төв эмнэлгийн лаборатори
7. Мобио
8. Юби
9. Багануур ЭМТ-ийн лаборатори
10. Сүхбаатар аймгийн НЭ-гийн лаборатори
11. Экспресс
12. Протлаб
13. Гялс Анагаах ухааны төв лаборатори

гэсэн лабораториудад чанарын шаардлага хангахгүй аж. Эдгээр лабораториас шалгалтын зөвлөмж, албан шаардлагын дагуу тоног төхөөрөмжийн шинэчлэл хийж чанарын гадаад дотоод үнэлгээнд хамрагдсан “Меданалитик”, "Протлаб", "Гялс" зэрэг гурван лаборатори дээрх тусламж, үйлчилгээг эрүүл мэндийн даатгалаар иргэдэд үргэлжлүүлэн үзүүлж байгаа аж.

Г.Маргад