УИХ-ын хаврын ээлжит чуулганаар аймаг, сум, нийслэлийн ИТХ-ын сонгууль болон хамт өргөн мэдүүлсэн бусад хуулийн төслийг хэлэлцэж байна. Энэ үеэр гишүүд үг хэлж, асуулт асуулаа.

УИХ-ын гишүүн С.Жавхлан: Орон нутгийн сонгууль болохоор сум, орон нутагт айхтар намчирхал үүсдэг. Сүүлдээ гэрийнхээ бүрээсээ улаан, цэнхэр өнгөөр солих юм ярьж байна. Цаг үеэ мэдрээч ээ. Иргэдийн 80 хувь нь нам сонгохгүй гэчихсэн байна. Энэ хуулиа буцаагаад зөвлөлдөх санал асуулгыг 14 хоногийн дотор сар шинийн өмнө иргэдтэйгээ зөвшилцөөд явуулбал зөв хууль гарах гээд байна.

УИХ-ын дэд дарга Л.Энх-Амгалан: С.Жавхлан гишүүн ээ. Энэ хуулийн санаачлагч нь би. Улс төрийн намууд ч оролцсон. Хамгийн их хэлэлцүүлэг явагдсан хууль шүү дээ. Орон нутгийн сонгуулийн тухай хууль хугацаатай батлагдах ёстой. Улстөрийн намуудтай хоёр удаа хэлэлцүүлэг хийсэн. Суманд байгаа улстөржилтийг багасгая. Бензин колонк хүртэл намын хүндээ үйлчилдэг ийм гашуун түүх бий. Тиймээс аль болох улстөржилт, зардал багатай хийе гэж оруулсан.

УИХ-ын гишүүн С.Жавхлан: Баянзүрх дүүрэг дээр жишиг дүүрэг болгоод өгчихье гээд шижигнэсэн залуучуудыг оруулсан чинь хэрчигдээд гарчихсан. Дундад азийн орнуудад орон нутгийн сонгууль дээрээ ямар ч намчирхал оруулдаггүй. Энэ ч утгаараа дэвждэг. Намчирхал оруулах тусам Баянзүрх дүүрэг шиг болно шүү.

Б.Лхам