Аймаг, нийслэлийн Засаг дарга нарын уулзалт Төрийн ордонд үргэлжилж байна. Уулзалтын үеэр Гадаад харилцааны сайд Д.Цогтбаатар мэдээлэл хийсэн юм.

Тэрбээр "Өнгөрсөн хугацаанд хоёр хөршийн харилцаа хүнд нөхцөлд байсан. Энэ асуудал харьцангуй гайгүй төвшинд хүрлээ. Үүний илрэл нь хийн хоолойг Монголоор дайруулахаар боллоо.

Оросууд хоосон юман дээр гарын үсэг зурдаггүй.

Хийн хоолойг Монголоор дамжуулахгүй байх сонирхол байна. Үгүй шүү. Энэ асуудал 30 жил явсан. Харин өнөөдөр бодит ажил болох гэж байна. Монголд оруулах бодит хөрөнгө оруулалалт дөрвөн тэрбум ам.доллар. ОХУ-ын Ерөнхийлөгчийн айлчлалын хүрээнд хэд хэдэн чухал асуудлыг ажил болгосон. 30 жил Монголын агаарын тээвэр хамгаалах эзэнгүй явсан. Сая хоёр онгоц өглөө.
Тавантолгой анх удаа тэрбум ам.долларын ашиг оллоо. Байсхийгээд урд хөршийг эмзэглүүлэх асуудал гарах гээд байна. Гэхдээ өмнөхөө бодвол гадаад бодлого сайжирч байна" гэлээ.

С.Сүлд