Төр, нийгмийн нэрт зүтгэлтэн С.Зоригийн амь насыг хөнөөсөн хэргээр гурван шатны шүүхээс Т.Чимгээ болон Б.Содномдаржаа нар ял сонссон. Тэгвэл ялтан Т.Чимгээ өлсгөлөн зарлах гэж байгааг УИХ-ын гишүүн Ж.Батзандан, Л.Болд нар мэдэгдсэн билээ. Тэд мэдэгдэлдээ Т.Чимгээтэй уулзах үеэр өлсгөлөн зарлахаа хэлсэн. Бие нь тааруу байгаа. Өлсгөлөн зарлавал бие нь дийлэхгүй байх" гэсэн юм. 

Тэгвэл энэ талаар Шүүхийн шийдвэр гүйцэтгэх ерөнхий газрын хэвлэл мэдээллийн албанаас тодруулахад “Т.Чимгээгийн биеийн байдал нь хэвийн, хуулийн хүрээнд ар гэрийнхэнтэйгээ болон өмгөөлөгчтэйгээ уулзаж, харилцаж байгаа.

Өнөөдрийн байдлаар ямар нэгэн санал хүсэлт гаргаагүй, өлсгөлөн зарлах тухай мэдэгдээгүй болохыг албан ёсоор мэдэгдэж байна” гэлээ.

Г.Маргад