Энэ сарын 23-24-нд шилжих шөнө их хэмжээний валют биедээ авч явсан ОХУ-ын иргэнийг тагнуулын тусгай хэлтсийн дарга болон бусад дөрвөн ажилтны хамт дээрэмдсэн хэрэг гарсан мэдээлэл цацагдсан билээ.

Уг хэрэг гарах үед Цагдаагийн Ерөнхий газрын Онц хүнд гэмт хэрэгтэй тэмцэх тасгийнхан гүйцэтгэх ажил хийж, гэмт этгээдүүд баривчилсан аж. Энэ талаар ШШГЕГ-аас тодруулахад "Сэжигтнүүдийг Цагдан хорих 461 дүгээр ангид 48 цагийн хугацаатай цагдан хорьсон" гэлээ. Эдгээрийн иргэдийн хувьд тагнуулын ажилтан гэх боловч энэ яг баталгаатай мэдээлэл биш юм байна. Ямартай ч тэдгээр хүмүүсийн цагдан хориог сунгах саналаа холбогдох албанаас прокурорт хүргүүлжээ. 

Г.Маргад