Сэлэнгэ аймгийн Цагдаагийн газрын алба хаагчдад Баянгол дүүргийн Эрүүгийн хэргийн анхан шатны шүүхээс бусдад эрүү шүүлт тулган, эрүүл мэндийг нь хохироосон гэм буруутайд тооцон үндэслэлээр ял ногдуулсан билээ.
Тодруулбал, аймгийн цагдаагийн газрын хэрэг бүртгэх тасгийн дарга асан, хошууч Г.Энхтулга, мөрдөгч хошууч Д.Бүрэнбаатар, ахмад Б.Батбаяр нарыг хохирогч О-ыг Баянгол дүүргийн нутаг дэвсгэр дэх ажлын газрынх нь гадаа зодож хөлийг нь хугалсан, эрүү шүүлт тулгасан нь гэрч хохирогчийн мэдүүлэг бусад нотлох баримтаар хангалттай тогтоогдсон гэж үзсэн юм.
Улмаар шүүх бүрэлдэхүүнээс Г.Энхтулга, Д.Бүрэнбаатар нарт нэг жил зургаан сар, Б.Батбаярт дөрвөн жил зургаан сарын хугацаагаар хорих ял ногдуулсан байдаг. Гэвч цагдаагийн алба хаагчид эл шийдвэрийг эсэргүүцэж Нийслэлийн Эрүүгийн хэргийн давж заалдах шатны шүүхэд хандсан ч, анхан шатны шүүхийн шийтгэх тогтоолыг хэвээр үлдээжээ.
С.Сүлд
Сэтгэгдэл (5)