ХБНГУ-д буудлага спортын "H And N Cup” буюу европын цуврал тэмцээн энэ сарын 21-26-нд болж байна. Энэ тэмцээнд манай улсаас дасгалжуулагч Ж.Ганхуягийн удирдлага дор үндэсний шигшээ багийн тамирчин Э.Даваахүү, О.Есүгэн, Н.Баяраа, Ш.Эрдэмбилэг нар өрсөлдөж байгаа юм. Тэмцээний хийн гар бууны 10 метрийн дасгалд ОУХМ Э.Даваахүү 281.1 оноогоор хүрэл медаль хүртлээ. Тэрбээр жилийн өмнө "Токио-2020" олимпийн наадамд оролцох эрхээ Дэлхийн цомын тэмцээнд тавдугаар байрт орсоноор хүртсэн билээ.
