ТЕГ-ын Сэлэнгэ аймаг дахь газрын алба хаагчид галын аюулаас нэг гэр бүлийн гурван хүний амь насыг авран хамгааллаа.
Тодруулбал, энэ сарын 25-наас 26-нд шилжих шөнийн 04.20 цагийн үед Сэлэнгэ аймгийн Сүхбаатар сумын IV багийн нутагт оршин суух иргэний байшин шатаж, гал түймэр гарч байхыг харсан ТЕГ-ын Сэлэнгэ аймаг дахь газрын 2 алба хаагч цаг алдалгүй гурван иргэний /2 хүүхэд, ээжийнх нь хамт/ амь насыг нь галын аюулд өртөхөөс аварсан байна. Улмаар галын аюул зэргэлдээх айлын байшин руу дамжин тархахаас нь өмнө Сэлэнгэ аймгийн Онцгой байдлын газарт дуудлага өгсөн байна.
Тагнуулын байгууллагын алба хаагчийн болон иргэний үүргээ нэр төртэй биелүүлэн эрдэнэт хүний алтан амь насыг галын аюулаас аварсан алба хаагчиддаа чин сэтгэлийн баяр хүргэж, ажлын амжилт хүсье.