Энэ сарын 24-26-ны өдрийн хооронд Сонгинохайрхан дүүргийн 19 дүгээр хорооны нутаг дэвсгэрт байрлах нэгэн байрны гадаах зогсоол дээрээс автомашины хучлага алдагдсан талаар дуудлага мэдээлэл ирүүлснийг Сонгинохайрхан дүүргийн цагдаагийн нэгдүгээр хэлтэст иржээ.

Хэргийн дагуу эрүүгийн цагдаагийн тасгийн алба хаагчид шалгахад 57 настай эрэгтэй Б үйлдсэн болох нь тогтоогдсон байна. Өвлийн улирал болсонтой холбоотойгоор автомашины хучлага алдагдах тохиолдол цагдаагийн байгууллагад цөөнгүй ирсээр байна. Иймд хучлагаар автомашинаа хучдаг иргэд аль болох хяналтын камертай хүн хөдөлгөөнтэй газраар машинаа байрлуулж автомашиныхаа хучлагыг сул орхихгүй байж хулгайлах гэмт хэргээс урьдчилан сэргийлж байхыг цагдаагийн байгууллагаас анхааруулж байна.

Түүнчлэн энэ сарын 23-ны өдөр Баянзүрх дүүргийн 10 дугаар хорооны нутаг дэвсгэрт байрлах нэгэн байрны гадна байсан приус автомашины яндан алдагдсан хэргийг шалгахад 34 настай О гэгч нь 26 настай Б гэгчтэй үйлдснийг Баянзүрх дүүргийн цагдаагийн газрын III хэлтсийн алба хаагчид шуурхай илрүүлжээ. Сүүлийн үед приус автомашины янданг хулгайлах тохиолдол их бүртгэгдэх болсон. Иймд иргэд та бүхэн өөрсдийн автомашиныг аль болох хяналтын камертай бүсэд байрлуулахгүй байж хулгайлах гэмт хэргээс урьдчилан сэргийлж цагдаагийн байгууллагатай хамтран ажиллана уу.