Дэлхийн эрүүл мэндийн байгууллагаас Улсын гуравдугаар төв эмнэлэгт нүдний лазер эмчилгээний аппарат гардууллаа.

Эрүүл мэндин сайд Д.Сарангэрэл “ДЭМБ-аас 136 сая төгрөгийн үнэ бүхий нүдний даралт ихсэх, торлогын эмгэгийн үеийн эмчилгээний лазер тоног төхөөрөмжийг хүлээлгэн өгч байна. Улсын хэмжээнд улсын I төрөх эмнэлэг нүдний дарамлт ихсэх болон нүдний торлогын эмгэгийг дангаараа эмчилдэг. Эрүүл мэндийн байгууллагаас иргэдэд чирэгдэлгүй тусламж үйлчилгээг хүргэх бодлого барин ажиллаж байгаа. Жилд 16 мянган иргэн энэ төрлийн тусламж үйлчилгээ авах шаардлага гардаг. Улсын III төв эмнэлэг харвалт шигдээсээс гадна нүдний эмгэгийн үйлчилгээний дэвшлийг ДЭМБ бүрдүүлж өгч байна” гэлээ.

ДЭМБ-ын төлөөлөгч “Өнөөдрийн гардуулж байгаа тоног төхөөрөмж Улсын III төв эмнэлэгт чихрийн шижингээс үүдэлтэй нүдний торлогын болон бусад эмгэгийг эмчлэх, эрт илрүүлэхэд нэн чухал хувь нэмэр оруулна гэж харж байна. Би эмч мэргэжилтэй. Эмч мэргэжлийг сонгохоос өмнө сохор хүмүүсийг хараад чин сэтгэлээсээ өрөвдөж, үүнээс сэргийлэх, эмчилдэг эмч болох юмсан гэсэн эрмэлзэлтэй эмч болж байсан. Улмаар харааны эмгэгийг эмчлэх, илрүүлэх талаар хамтарч ажиллаж байгаадаа баяртай байна. Саяхан ДЭМБ-аас Монгол Улс дахь нүдний эмгэгийн талаарх судалгааг хийсэн. Судалгаагаар өнөөдрийн хандивлаж байгаа шиг нэн шаардлагатай тоног төхөөрөмжийн дутагдалтай гарсан юм. Тиймээс өөрсдийн нөөц бололцоогоо ашиглаад өгөхөөр шийдсэн юм” гэв.

А.Сүх