УИХ дахь Төрийн байгуулалтын байнгын хороо Орон нутгийн сонгуулийн талаар хэлэлцэж байна.

Д.Лүндээжанцан: Хуучин хайрцаг, серверийг шинээр авахгүй байж болох уу гэж асуумаар байна. Хүн амын тоо нэмэгдэж байгаа энэ үед хүрэлцэх үү, нөөц боломж бий юу. Цаг хугацааны хувьд зургадугаар сарын 24 гэж баталлаа. Энэ хугацаа санал авах өдрөөс хэд хоногийн өмнө юм.

Ажлын хэсэг: СЕХ-оос 2020 оны төлсийг батлуулахад техник хэрэгслийн шинэчлэлд мөнгө суулгаж оруулсан ч 5 тэрбум төгрөг хасагдсан. Гаднын ажиглагчид сонгуулийн үеэр манай улсад ажиллахдаа танайх iphone гар утсаар зүйрлэвэл 1-тэй юм бна, манайх 5-тай шүү дээ гэж тоглоом шоглоомоор хэлж байсан удаатай. Харамсалтай нь шинэ төхөөрөмж авах тал дээр төсөв хасагдсан. Ямартай ч одоо байгаа сервер нь их халдаг. Тиймээс 24 цагийн ажиллагаатай байлгахын тулд кондейшн авна. Харин програм хангамжийг нь бид өөрсдөө хийнэ. Энд нэг зүйлийг онцлоход сайн бэлтгэгдсэн инженерүүдээ цалингаас болж алдаад дууслаа. Тэдгээрийг ажилд нь барихын тулд цалин мөнгөн дээр анхаарах хэрэгтэй. Цаг хугацааны хувьд СЕХ тооцож үзсэн. Товлон зарлах, санал авах хугацаа тусдаа байсныг хоёрдугаар сарын 1 гэж оруулсан. Үүгээр явуулах боломжтой гэж харж байна.

Ж.Мөнхбат: 2012 оны УИХ-ын сонгуулиар анх машин нэвтэрсэн. Энэ сонгуулиар бдлиан гарлаа гэж асуудал тавьсан хүн нь би. Мөн хар машины санал тооллогын машинаар жагсаал цуглаан хийсэн хүн нь ч би. Хар машин шатааж байж хяналтын тооллого хийх асуудал сайжирсан. Хоёрдугаарт, СЕХ-ын дарга гадаадынхан танай санал тоолж байгаа машин гар утсаар ярих юм бол iphone 1 гэж ярьсан байна. Өнөөдөр iPhone 11 гарчихсан. Гэтэл бид ийм л машин хэрэглэж байна. Уг нь шинэ машин аваад өгчихсөн бол. Хэрэв сонгуулийн машин шинээр авах юм бол Солонгосын машиныг судлаарай. Саналын цаас хийлээ гэхэд дэмжсэн дэмжээгүй гээд нүдэн дээр нь гарчихдаг юм байна лээ. Үүнийг би өөрөө судалж байсан юм.

Б.Лхам