Ардчилсан оюутны холбооны санаачилгаар гадаад оронд суралцдаг монгол оюутнууд коронавирусийн талаар шаардлага Засгийн газарт хүргүүлж байгаа тухай мэдээлэл хийлээ.
Энэ талаар Ардчилсан оюутны холбооны дарга Н.Лхагвадорж “Коронавирустай холбоотой таван шаардлагыг Засгийн газарт хүргүүлэхээр боллоо. Мөн уг халдвартай холбоотой сүүлийн хоёр хоногийн мэдээллийг гадаад эх сурвалжтай харьцуулан танилцуулъя. Хамгийн гол нь улсын тусгаар тогтнолтой холбоотой асуудалд залуус бүгдээрээ нэгдэж чадвал хамгийн хүчтэй зэвсэг болдог. Тиймээс монголын залуучуудын төлөөлөл болсон байгууллагууд нэгдэн халдвартай хэрхэн тэмцэж байгаа олон улсын туршлагыг санал аваасай гэсэндээ Засгийн газарт хүргэхээр шийдлээ.
2019 онд БНХАУ-д коронавирус буюу өмнө нь шинжлэх ухаанд огт танигдаагүй халдвар илрэн гарсан байдаг. Өнгөрсөн оны сүүлээр гарсан уг вирусын улмаас хятадад өчигдрийн байдлаар 2001 хүн өвдсөн бол дэлхийн хэмжээнд 2823 хүн өвдсөн байна. Хамгийн сэтгэл түгээж байгаа нь нэг өдрийн дотор энэ тоо эрс өсч халдварласан хүний тоо 4474 болсон байна. БНХАУ-д өчигдрийн байдлаар 56 хүн нас барсан бол дэлхийн хэмжээнд 81 хүн нас баржээ. Харин өнөөдрийн мэдээллээр 106 болж нэмэгдсэн байна.
Дэлхийн улс бүр ард иргэдээ хамгаалах үүднээс тодорхой арга хэмжээ хэрэгжүүлж байгаа учраас залуус бид ч Засгийн газартаа туслах ёстой. Тиймээс олон улсад хэрэгжүүлж байгаа сайн тушрлагуудаас заавал хэрэгжүүлээрэй гэдэг саналыг хүргүүлнэ. Үүнд, амны маскийг нас харгалзахгүйгээр үнэ төлбөргүй тараадаг байя. Дэлхийн бусад улсад яг ийм жишгээр явж байна. Гэтэл манай улсад 12-20 дахин нэмж зарж байна. ШӨХТГ хэрэглэгчийнхээ эрх ашгийг хамгаалж ажлаа хийхийг шаардаж байна.
Хоёрдугаарт, амны маскны үнийн хөөрөгдлийг зогсоохыг шаардаж байна. Гуравдугаарт, Ухань хотод суралцаж байгаа 31 оюутныг энэ долоо хоногт эх оронд нь авчир, дөрөвдүгээрт, бага насны хүүхэдтэй эцэг эхийн ажлын цагийг багасгаж, цалинтай чөлөө өгөх. Аав, ээжийн аль нэгнийг гуравдугаар сарын 2-ны өдрийг хүртэл чөлөөлж, цалинтай чөлөө олгох хэрэгтэй. Өөрөөр хэлбэл, 0-10 настай хүүхэдтэй эцэг эхийг сөөлжлөх байдлаар амраахыг шаардаж байна. Тавдугаарт, гуравдугаар сарын 2-нд оюутнууд хичээлдээ орохдоо орж, очих замынхаа зардлыг нөхөн авах шаардлагыг нийт оюутнууд санал хурааж гаргалаа.
Ингээд нас харгалзахгүйгээр та өөрийн боло гэр бүлийнхээ төлөө амны маск зүүж, рөийн болон хувийн хэвшлийн аж ахуйн нэгжийн удирдлагууд ажилчдадаа үнэ төлбөргүй маск тараах аяныг эхлүүлээрэй. Мөн хилийн чанадад суугаа иргэд харь улс хэрхэн урьдчилан сэргийлэх аяныг хэрэгжүүлж байгаа талаарх мэдээллээр туршлага хүргүүлээрэй гэж хүсье” гэлээ.
Сэтгэгдэл (3)