Төрийн байгуулалтын байнгын хороон хурал Орон нутгийн сонгуулийн тухай хуулиар үргэлжилж байна. Энэ үеэр орон нутгийн сонгуулийн санал өгөх хугацааг тухайн өдрийн 20.00 болгож өөрчлөхийг дэмжлээ.

Д.Эрдэнэбат: Гүйцээн боловсруулсан бол санал хурааж шийднэ. Чуулганаар шийдвэрлэсэн боловч байнгын хороон дээр санал гарвал гуравны хоёроор шийддэг. Гүйцээгээд санал хураачихсан саналыг та нар өөрчлөөд байна. Энэ асуудлаар сая монголоор уншчихаад яагаад буруу тайлбарлаад байгаа юм.

С.Бямбацогт: Санал хураагдаад унасан ч, боссон ч эцсийн хэлэлцүүлэгт сайн боловсруулаарай гэсэн. Тиймээс ердийн олонхийн саналаар дэмжиж явна.

Д.Лүндээжанцан: Ажлын хэсэг оруулж байгаа хоёр асуудалд эргэлзээтэй байна. Өөрөөр хэлбэл, гадны орны жишигт ирц шаардлагагүй юм банай лээ. Манайх төлөөллийн байгууллагыг хангахын тулд 50+1 шаардаж ирсэн. Гэвч сүүүлийн сонгуулийн хэд нь ирц хүрсэн бэ. Хөдөө орон нутагт ирцээ даваад явчихдаг. Нийслэлд ирц хүрдэггүй. Энэ талаарх нарийн тоо баримтууд нь байгаа байх. 79.2-ийг хасахыг хэдүүлээ ярьж байгаад хүлээгээд авбал яасан юм. Харин сонгуулийг оройн 22.00 цаг байхыг 21.00 цаг болгож болдоггүй юм уу. 22.00 цаг нь дэндүү оройтоод байна.

Б.Лхам