Урлагийн төлөө цохилох зүрхтэй, өсөх ирээдүйтэй 28-хан настай залуу болох Гандөшийн Батзаяа цусны хорт хавдараар хүнд өвчилжээ.

Тэрбээр өдгөө Бээжин хотын “HEBEI YANDA LU DAOPEI HOSPITALEBEI YANDA LU DAOPEI HOSPITAL”-д хэвтэн эмчлүүлж байгаа бөгөөд хорт хавдрын тархалт нь 80 хувьд хүрсэн. Тиймээс “Чөмөг шилжүүлэн суулгах яаралтай мэс засал”-д 650 сая төгрөг шаардлагатай. Тэрбээр хандивын данс нээж, элэг нэгт монголчуудаасаа хандив гуйж эхэлсэн. Хүсэл мөрөөдлөө бүтээх амьдралыг түүнд бэлэглээч хүмүүс ээ.

Тэрбээр эмчилгээгээ хийлгэж байх хугацаанд тэмдэглэл хөтөлж байна.

Тэмдэглэл дугаар 4:

Сая сая доллар хожоод амьдрал нь орвонгоороо эргэн, дампуурсан олон жишээг сонсож байлаа.. Миний хувьд доллар биш!. 100 мянгад нэг тохиох "Цусны хорт хавдар хожсон юм" гунигтайгаар хэлж байна гэж битгий төсөөлж уншаарай... Энэ үгийг би инээмсэглэн хэлж байгаа.

Та анзаарсан бол тэмдэглэл 1, 2-ын үргэлжлэл оройноос эхлэх ёстой хэхэ.
Би тэр орой шоудсан юм хайртай найзуудаа дуудаад гоё газар суусан. Найзуудын ихэнх хэлж байсан үг нь чи ёстой тэнэг өөдрөг хог юм аа, уйлаад сууж байгаа байх гээд энэ газрын гадаа сэтгэлээ бэлдээд орж ирж байхад, инээчихсэн найрлачихсан сууж байдаг... Миний хувьд угаасаа хэзээ ахиж эд нартай маазрах нь тодорхойгүй, тэгээд ч хавдартайгаа маргааш нь л мэдсэн биз яадын гэж төсөөлөөд тэр оройг зугаатай өнгөрүүлсэн ч үнэндээ би үхтлээ айж байсан.... Солонгос сериал дээр хавдар туссан гол дүр нь үхчихдэг гунигт хэсэг толгойд буугаад байсан хэрэг л дээ. За тэр ч яахав.

Намайг өвчтэй гэдгийг мэдээд л ээж, аав байгаа үл хөдлөх хөрөнгөө зарахаар зар тавьсан ч тийм амар борлогдохгүй бололтой гээд хямарч байх үед Unitel-ын маркетингийн мундаг хамт олны маань хандив, мөн ээжийн минь гадаадад байдаг хэдэн сайхан эгч нарын хандив орж ирснээр чөмгөндөө шинжилгээ хийлгэх мөнгө бүрдсэн. Тиймээс юу л болбол болог гэсээр Бээжинг зорьсон юм. Бээжин хүртэл миний толгойд юу ч бодогдоогүй эсвэл хэтэрхий их бодолдоо дарагдаад гөлийгөөд байсан уу мэдэхгүй юм... Зүгээр л хүмүүсийн инээмсэглэлийг, байгалийн сайхныг, үүлний дүрсийг анзаарсаар байгаад л энд ирчихсэн байсан. Тэгээд шинжилгээний хариун цагаан эсийн цочмог хорт хавдар гэсэн хариу гарснаар бид хоёрыг маргаашаас нь эхлээд шууд эмчилгээгээ эхэл гэсэн. Гэхдээ эмчилгээ эхлэхийн тулд 50 мянган юань хэрэгтэй мөнгө байршуулахгүй бол эмчилгээ эхлэх боломжгүй гэсэн...

Монгол буцах гэхээр хэзээ унаад өгөхөө мэдэхгүй. Эмчилгээгээ эхлэх гэхээр мөнгө байхгүй . Ээж минь надаас нууцаар уйлаад л... Хүмүүс рүү залгаад байсан, гунигтай шүү! Цагаа тулахад мөнгө олддоггүй юм билээ...

Оройн би ээжийнхээ хажууд нь хэвтээд "За яахав дээ, ээжээ. Хоёулаа маргааш мөнгө олж чадахгүй юм чинь нэгдэх өдөр хүртэл хүлээе. Тэр болтол хотын байр зарагдчих байх" гэтэл ээж миний толгойг илээд "Юунд ч битгий санаа зов, миний хүү. Унт унт" гэсэн.

Би ээжийнхээ хөлийг барьж өгөх дуртай, тэгээд хааяа тоглоно. Миний ээжийн хөл чинь хятад, Дорноговь хоёрын найрамдалт харилцааг бэхжүүлж, Дорноговийн залуусыг жинсэн өмдөөр хангасан хөл шүү! гэхээр учиргүй баярлаад инээнэ ээ... Үнэндээ л 20 жил бараа зөөсөн ээжийн Эрээнд буудаг буудлыг нэрийг нөхөрлөл гэдэг юм...
Би ч мөнгө олдохгүйтэ эвлэрээд унтаад өгсөн. Тэгсэн ээж 06.00 цагт гэнэт огол харайж боссоноо нэг хүн рүү залгатал нөгөө хүн утсаа шууд тасалчихсан... Тэгтэл 20 секунд ч бололгүй буцаж залгаснаа дансанд мөнгө байна, ав ав гэсэн.. Ээжийн тэр нүд ямар сүрлэг бадрангуй байсан гээч хэхэ. Хамгийн сонин нь тэр мөнгө өгсөн хүн нь ээжийн 20 жил буусан Нөхөрлөл буудлын хятад эзэн байсан юм билээ. Түүний дансанд байсан мөнгө нь хэнийн мэдэхгүй Монгол наймаачны мөнгө байж... Ингээд миний эмчилгээ хувь тавилан ч гэмээр юм уу, яс үндэстнээр ялгаварлаагүй нөхөрлөл, эсвэл намайг эмчлүүлээрэй гэсэн юм шиг дансанд нь мөнгөө хадгалуулсан Монгол хүний мөнгөөр эмчилгээ эхэлсэн юм. Гайхалтай... ☺️
Манай найзууд миний төлөө хандивын аян эхлүүлэхээр өдөр, шөнөгүй бэлдэж байхад би юу хийх ээ мэдэхгүй хэвтэж байлаа.. Үнэндээ миний эмчилгээний зардал дэндүү өндөр. Гэхдээ би бууж өгч болохгүй шүү дээ гэж бодсоор тэмдэглэл нэгээ бичсэн...
Тэр өдрөөс эхлээд би гайхалтай зүйлсийг мэдэрсэн юм.... Монгол хүмүүсийн сэтгэлийг хичнээн сайхныг, танихгүй зочин ирэхэд ч идээгээ бариад угтдаг сэтгэл нь хэвээрээ байгааг мэдсэн. Гэхдээ бид бүхний олонх нь ядуу, дундаж орлоготой байгаа шүү дээ. Харин сэтгэлээрээ дүүрэн баян юм даа... Өнөөдрийг хүртэл хандиваар 130 гаруй сая төгрөг цугларсан. Надад амьдрал бэлэглэж байгаа хүн бүрт баярлалаа... Энэ сонин, гайхалтай мэдрэмжийг яаж илэрхийлэхээ би олохгүй байна... Үг хүртэл багадах юм.

Би сугалаагаар хорт хавдар хожсон, харин шагнал нь мянга мянган хүний итгэл найдвар байсан юм...

Нээрээ: Сайншанд маань нефтийн үйлдвэр барьж эхлээд хоёрдугаар Эрдэнэт хот шиг хөгжиж байгаа болохоор манай зарах гэж байгаа объектыг сонирхоод үзээрэй. Зарагдчихвал уг нь хамаг юм жигдрэх гээд л. Хэхэ. Тэмдэглэл дундаа зар оруулсан болохоор сайхан #Share хийгээд өгөөрэй. Утас 99929339, 99091986 шүү. 

#SaveZaya #FuckCancer #ShitHappens
Хандивын данс:
Хаанбанк: 5035247726 Батзаяа
Голомтбанк: 2015129245 Батзаяа
Худалдаа хөгжлийн банк: 465004868 Батзаяа
Candy шилжүүлэг: 99929339
https://m.facebook.com/nt/screen/…