Энэ сарын 8-ны өдрийн 00.54 цагт Баянгол дүүргийн 16 дугаар хорооны “Туул”-ын 17 дугаар гудамж дахь иргэн М-ийн 11х18 метрийн хэмжээтэй авто засварын газарт гал гарчээ. Галын улмаас засварын газарт байсан 12 суудлын автомашин болон иргэн Э-ын 6х10 метрийн хэмжээтэй байшин, иргэн Г-ийн 5 ханатай гэр шатсан байна.

Дуудлага мэдээллийн дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 16 алба хаагч, 4 автомашинтай 1.5 км зам туулан 00:58 цагт очиж 1 цаг 50 минут, Хан-Уул дүүргийн  дүүргийн Онцгой байдлын хэлтсийн Гал түймэр унтраах, аврах 14 дүгээр ангийн 8 алба хаагч, 2 автомашинтай 4 км зам туулан 01:09 цагт очиж 30 минут ажиллаж тус тус унтраасан байна.

Галд өртсөн автомашины эзэмшигч болон улсын дугаарыг тодруулахаар Цагдаагийн байгууллага ажиллаж байгаа аж.

Үүнээс гадна тус өдөр Багануур дүүргийн 1 дүгээр хороо сургалтын Задгайд иргэн Х-ын 4×7 метрийн хэмжээтэй байшин дотор эд зүйлс шатсан.

Чингэлтэй дүүргийн 9 дүгээр хороо Дэнжид иргэн Б-ын 3×4 метрийн хэмжээтэй дугуй засварын газар,

Архангай аймгийн Түвшрүүлэх сумын Хөх сүм багийн “Дүнгэнэдэг” гэдэг газар /аймгийн төвөөс зүүн урд зүгт 80 км, сумын төвөөс урд зүгт 30 км/ малчин Б-ын 5 ханатай гэр, 10х6 метрийн хэмжээтэй өвөлжөө, 2 тугал, Д-ийн 5 ханатай гэр, 2 тугал шатсан,

Дорнод аймгийн Хэрлэн (Сүмбэр) 3 дугаар багийн 41 дүгээр байранд иргэн Б-ийн байрны хана шатсан гэх дуудлагын дагуу аврагчид цаг алдалгүй очиж, галын аюулыг таслан зогсоосон байна.