АН-ын зөвлөлөөс нийслэлийн мандатын тоог цөөрүүлсэн. Ингэхдээ МАН-аас хэд хэдэн судалгаа хийсэн талаар мэдээлэл хийлээ. Энэ үеэр "МАН нийслэлээс санал авч чадахгүйгээ мэдсэн болохоор нийслэлийн мандатын тоог цөөрүүлсэн. Нөгөөтээгүүр, нийслэлийн төсвөөс 600 гаруй тэрбум төгрөгийн хөрөнгө оруулалтын санхүүжилтийг татаж, хөдөө орон нутагт тараах байдлаар санал авахыг санаархаж байна. Мөн Монгол Улс “Саарал жагсаалт” орсон нь муу ажилласан хүмүүсийн балаг. Үүнийг нэр бүхий хүмүүс хариуцах ёстой. Гэтэл Монголбанкны Э.Баяртсайхан, Санхүүгийн зохицуулах хорооны дарга С.Даваасүрэн хоёроор туг тахих замаар асуудлыг сарниулсан. “Саарал жагсаалт”-аас яаралтай гарах ёстой. Намрын чуулганаар оруулсан хэд хэдэн хуулийг албаар унагаасан. "Саарал жагсаалт"-аас гарахгүй байх санаархал, хүсэл МАН-д байх шиг байна.

УИХ өөрөө тарах ёстой гэдэг уриалга гаргаж, УИХ-ын даргад хүргүүлсэн. Гэвч энэ асуудлыг бас хойш татсан. Түүхэндээ энэ цагийн парламент шиг муу нэртэнгүүд байсангүй. 30 гаруй гишүүн нь ЖДҮ-тэй нэр холбогдсон.

Тэтгэврийн зээлийг нэг удаа тэглэх асуудал байна. Ерөнхийлөгч Х.Баттулга 2017 онд өгсөн амлалт өгсний дагуу ҮАБЗ-ийн шийдвэрийн дагуу ахмадын өрийг нэг удаа тэглэх асуудлыг оруулсан. АН-ын зүгээс үүнийг дэмжиж ажилласан. Зээлтэй иргэдийн 6 сая төгрөг хүртэлх зээлийг нэг удаа тэглэх, зээлгүй иргэдэд нэг сая төгрөгийн батламж өгнө. Энэ ажил урагшилж байна" гэлээ. 

Үүний дараа сэтгүүлчдийн асуусан асуултад хариуллаа. 

-Д.Эрдэнэбат дарга яагаад энэ удаагийн хуралд оролцсонгүй бэ. Казино тоглосон асуудлаар танай зөвлөл ямар байр суурь илэрхийлэх бэ?

-Энэ асуудлаар өөрөөс нь асуух нь зүйтэй болов уу.

-Таны тоглож байгаа зураг байсан?

-Эртний зураг. Гэр бүлийнхэнтэйгээ, амралтаар явж байгаад зочид буудлаас олгосон эрхийн бичгээр орсон. Би үүнийг үгүйсгэж, булзахгүй. Гэхдээ нэг асуудал бий. Энэ нь тухайн үед казино тоглохыг хуулиар хориглоогүй байсан. Хуульд хэзээ өөрчлөлт орсныг та бүхэн мэднэ. Би хуулиа баримталдаг хүн. Үүнээс гадна төрийн болон хувийн байгууллагын, гэр бүлийнхээ мөнгөөр тоглосон хүн олон байна. Нэг зүйл хэлье. Казино тоглоод мөнгө хождоггүй юм. Тиймээс тоглох хэрэггүй.

-АН-ынхан БНХАУ-д ямар ажлаар айлчилсан юм бэ?

-Монгол Улсын эдийн засагт томоохон ач холбогдолтой улсын нэг нь хятад улс. АН-ын зүгээс аливаа нэг улс орон, аж ахуйн нэгж, олигархаас нэг ч төгрөгийн хандивийг сонгуульд зориулж авахгүй. Зөвхөн өөрсдийн нөөц боломжоор санхүүжилтээ зохицуулна.  

Г.Маргад