Их, дээд сургуульд элсэн орох сурагчдаас авдаг ЭЕШ, монгол хэл бичгийн шалгалтын бүртгэл өнөөдрөөс эхэллээ. ЭЕШ-ын хувьд  өнөөдрөөс эхлэн ирэх дөрөвдүгээр сарын 15-ны өдрийн 18.00 хүртэл, харин монгол хэл бичгийн шалгалтын бүртгэл өнөөдрөөс ирэх гуравдугаар сарын 18-ний өдрийн 18.00 цаг хүртэл цахимаар явагдах юм байна.

Үүнтэй холбогдуулан Боловсролын үнэлгээний төвөөс мэдээлэл хийлээ. Тодруулбал, монгол хэл бичгийн шалгалтын хувьд өнгөрсөн жилээс эхлэн босго оноотой болсон. Үүнтэй холбогдуулан шалгалтыг урьдчилж зохион байгуулдаг болсон. Шалгалтыг ирэх гуравдугаар сарын 28-нд улс орон даяар зэрэг зохион байгуулна. Өнгөрсөн 2018 оноос өмнө төгссөн төгсөгчид ЭЕШ монгол хэл бичгийн шалгалттай хамт болно гэж ташаа ойлгосноос болж шалгалтаасаа хоцорсон. Тиймээс ЭЕШ өгөхийн тулд эхлээд монгол хэл бичгийн шалгалт өгөх ёстойг анхаарах ёстой. Босго оноо давж чадахгүй бол их, дээд сургуульд элсэх боломжгүй.

Дараагийн нэг зүйл нь шалгуулагч шалгалтаа өгсний дараа дүнг гаргана. Урьдчилсан байдлаар 32 мянган шалгалтад хамрагдана.

Мөн энэ жилээс эхлэн царай таних технологийг шалгалтад ашиглахаар туршиж байна. Энэ нь жилийн жилд цөөнгүй сурагчид өөрийн материалаа мартаж, шалгалтад ирдэг. Үүнээс болж шалгалтаа өгч чадахгүй байх тохиолдол цөөнгүй гарч байсан. Тиймээс царай таних технологи ашигласнаар ийм асуудлаас зайлсхийх боломжтой. Гэхдээ зураг нь шаардлага хангасан байх ёстой. Энэ жилийн хувьд зөвхөн туршилт.

Нэг хичээлийн бүртгэлийн хураамж 5800 төгрөг, батламж хуудасны хураамж 700 төгрөг байна. Бүртгэлийн хугацааг сунгахгүй.