Шүүхийн ерөнхий зөвлөлийн гишүүн В.Оюумаагаар ахлуулсан ажлын хэсэг Сүхбаатар аймаг дахь шүүхийн тамгын газарт ажиллаж, хяналт-шинжилгээ хийж байна.

Шүүхийн захиргааны үйл ажиллагаа, шүүхийн хүний нөөц, төсөв санхүү, дэд бүтцийг удирдах, шүүгчийн хараат бус байдлыг хангаж хамгаалах, нээлттэй байдлыг хангах, олон нийттэй харилцах зэрэг чиглэлээр ажлын хэсэг шүүхийн тамгын газрын үйл ажиллагаанд хяналт-шинжилгээ хийж, мэргэжил арга зүйн туслалцаа үзүүлэх юм.

Ажлын хэсэгт Шүүхийн ерөнхий зөвлөлийн Шүүхийн хүний нөөцийн удирдлага, бодлого зохицуулалтын газрын дарга Ш.Отгонцэцэг, Шүүхийн захиргааны удирдлага, бодлого зохицуулалтын газрын референт Р.Ичинхорлоо, Хэргийн хөдөлгөөний удирдлагын хэлтсийн референт Ц.Амарсанаа, ахлах мэргэжилтэн Б.Ундрал, Дотоод аудитын албаны референт Ж.Онон, Мэдээллийн технологийн хэлтсийн инженер Э.Лхагва-Очир нар ажиллаж байна. Хяналт-шинжилгээ энэ сарын 24-нийг хүртэл үргэлжилнэ.

Шүүхийн хэвлэл мэдээллийн хэлтэс