Шинэ төрлийн коронавирусын дэгдэлт ихсэж байгаатай холбогдуулан иргэд нэгдэж хилээ бүхэлд нь хаахыг шаардлаа.

Тэдний зүгээс “Манай улс хилийн долоон боомтоо хаагаагүй байгаа. Эдгээр боомтуудыг 24 цагийн дотор яаралтай хаах талаар төрийн гурван өндөрлөгт аардлага хүргүүлэх гэж байна. Бид энэ өвчнийг хүлээгээд байгаа юм уу, эсвэл хэн нэгний шаардлага байна уу гэсэн хардлага байна. Монгол цустай иргэн бүр үүнийг хүсч байна. Цагаан сар тэмдэглэх эсэхээс илүү хилээ хаах нь чухал. Шаардлагын хариуг 24 цагийн дотор ирүүлэхгүй бол асуулга явуулна.

Хүүхдүүдийн ханиад томуу бууоахгүй байгаа энэ үед коронавирус ороод ирвэл яах вэ. Манай засаг ярихаас хэтрэхгүй, боомтуудаа хаахгүй байна. Зарим боомтоор гаднын иргэд орж ирж байгаа талаарх мэдээлэл яваад байна шүү. Жижиг зүйлээр л шоу хийгээд байх юм. Бид хэт задгай байна. Сэтгэл байвал хилээ хаагаад байж болно. Хэдхэн нүүрсээс болж үхэх нь үү. Ард түмнээ хайрлаж чадахгүй бол сайд дарга нартай хатуу ярина шүү” гэлээ.

А.Сүх