Шинэ төрлийн коронавирусын халдвараас урьдчилан сэргийлэх зорилгоор хилийн боомтуудын үйл ажиллагааг эрчимжүүлэх, хяналт шалгалтыг сайжруулах чиглэлээр Улсын Онцой комиссоос генерал Г.Ариунбуянгаар ахлуулсан Тусгай комисс гарган ажиллаж буй.

Энэ хүрээнд өнгөрсөн пүрэв гарагт ЗТХЯ, МХЕГ, ТЕГ, ГЕГ, ЦЕГ, ХХЕГ болон Авто тээврийн үндэсний төв, ХӨСҮТ-ийн холбогдох мэргэжилтнүүдээс бүрдсэн ажлын хэсэг Дорноговь аймгийн Замын-Үүд сум дахь “Замын-Үүд”, Өмнөговь аймгийн Ханбогд сум дахь “Гашуунсухайт”, мөн аймгийн Гурвантэс сум дахь “Шивээхүрэн”, Улаанбаатар хот дахь “Буянт-Ухаа” боомтод ажилласан. Мөн шинэ коронавирусийн халдвараас урьдчилан сэргийлэх, хэрэгжүүлж байгаа хариу арга хэмжээ, мэргэжлийн байгууллагуудын бэлтгэл бэлэн байдалтай танилцсан билээ.

Тэгвэл зарим эх сурвалжийн хэлж байгаагаар Тусгай комиссоос Замын-Үүд суманд хөл хорио тогтоох саналыг гаргаж болзошгүй байна.

А.Сүх