Шинэ төрлийн коронавирусын халдварын талаар холбогдох байгууллагуудаас мэдээлэл хийлээ.

Коронавирусын халдварын улмаас өчигдөр 2277 шинэ тохиолдол илэрчээ. Мөн нас барсан хүний тоо 143 тохиолдлоор нэмэгдсэн байна. Мөн Япон улсад нас барсан нэг тохиолдол бүртгэгджээ.

Энэ талаар ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл “Засгийн газар, Ерөнхийлөгчөөс цагаан сарыг тэмдэглэхгүй байх нь зүйтэй гэж үзсэн. Тиймээс хүн амын нягтрал үүсгэхгүй байх, олноороо цуглаж бууз, банш хийхгүй байх, хүнсний зах руу олноороо явахгүй байх. Мөн хоорондоо нэг метрийн зайнаас харьцах зүйтэй өмнө нь анхааруулж байсан бол одоо хоёр метрийн зайнаас харьцах хэрэгтэйг  зарим эрдэмтэн, судлаачид анхааруулсан байна.

Өөрөөр хэлбэл, олноор цугларсан газар очихгүй байх нь халдвараас сэргийлэх чухал зүйл гэдгийг хэлж байгаа юм. Нөгөөтээгүүр, амны хаалт тогтмол зүүж байхыг анхааруулъя. ГХЯ-аас мэдээлснээр өчигдөр Египет улсад коронавирусын халдварын нэг тохиолдол шинээр нэмэгдсэн гэсэн мэдээлэл байна” гэлээ.

А.Сүх