ҮСХ-оос өнгөрсөн сарын нийгэм, эдийн засгийн байдлыг танилцууллаа.
Тодруулбал, Нийгмийн даатгалын сангийн орлого 9.1 хувиар өслөө. Нийгмийн даатгалын ерөнхий газрын мэдээллээр нийгмийн даатгалын сангийн орлого 2020 оны 1 дүгээр сард 209.6 тэрбум төгрөг болж, өмнөх оны мөн үеэс 17.5 (9.1%) тэрбум төгрөг, зарлага 204.0 тэрбум төгрөг болж, өмнөх оны мөн үеэс 25.3 (14.2%) тэрбум төгрөгөөр тус тус өслөө. Нийгмийн даатгалын сангийн орлого өмнөх оны мөн үеэс 17.5 тэрбум төгрөгөөр өсөхөд тэтгэврийн даатгалын сангийн орлого 17.3 (12.1%) тэрбум төгрөгөөр, тэтгэмжийн даатгалын сангийн орлого 2.7 (26.8%) тэрбум төгрөгөөр өссөн нь голлон нөлөөлсөн байна. Нийгмийн даатгалын сангийн зарлага өмнөх оны мөн үеэс 25.3 тэрбум төгрөгөөр өсөхөд тэтгэврийн даатгалын сангийн зарлага 21.4 (15.2%) тэрбум төгрөгөөр, тэтгэмжийн даатгалын сангийн зарлага 3.9 (44.3%) тэрбум төгрөгөөр өссөн нь голлон нөлөөлөв.
Эрүүл мэндийн даатгалын ерөнхий газрын мэдээллээр эрүүл мэндийн даатгалын сангийн шимтгэлийн орлого 2020 оны нэгдүгээр сард 27.3 тэрбум төгрөг болж, өмнөх оны мөн үеэс 2.0 (6.7%) тэрбум төгрөгөөр, эрүүл мэндийн даатгалын сангийн тусламж, үйлчилгээний зардал 12.9 тэрбум төгрөг болж, 7.3 (36.1%) тэрбум төгрөгөөр тус тус буурсан байна. Эрүүл мэндийн даатгалын сангийн шимтгэлийн орлого буурсан нь ажил олгогч, даатгуулагчийн төлсөн шимтгэл 2020 оны нэгдүгээр сард 17.5 тэрбум төгрөг болж, өмнөх оны мөн үеэс 2.3 (11.7%) тэрбум төгрөгөөр буурснаас шалтгаалжээ. Улсын хэмжээнд 2020 оны нэгдүгээр сард эрүүл мэндийн даатгалд давхардсан тоогоор 2.3 сая даатгуулагч хамрагдсаны 6.1 хувь нь шимтгэлийг ажил олгогч, даатгуулагч хариуцан төлсөн иргэд, 2.3 хувь нь шимтгэлийг өөрөө хариуцан төлсөн иргэд, 91.6 хувь нь шимтгэлийг улсын төсвөөс хариуцсан иргэд эзэлж байна.
Эрүүл мэндийн даатгалын ерөнхий газрын мэдээллээр улсын хэмжээнд эрүүл мэндийн даатгалын сангаас үнийн хөнгөлөлт үзүүлдэг эмийн борлуулалт 2020 оны нэгдүгээр сард 3.1 тэрбум төгрөг болж, өмнөх оны мөн үес 751.6 сая (19.5%) Зүрх судасны эмийн борлуулалт 2020 оны нэгдүгээр сард 1.4 тэрбум төгрөг болж, нийт борлуулалтын 44.1 хувийг эзэлж байна.
Улсын хэмжээнд 2020 оны нэгдүгээр сард эрүүл мэндийн даатгалын сангаас хөнгөлөлт үзүүлдэг хамгийн их борлуулалттай 5 эмийг өмнөх оны мөн үетэй харьцуулахад зүрх судасны эмийн борлуулалт 339.6 сая төгрөг (19.9%), халдварын эсрэг бэлдмэлийн эм 282.9 (24.9%) сая төгрөг, ходоод гэдэсний замын өвчнийг эмчлэх эм 125.3 (33.5%) сая төгрөг, даавар, дааврын үйлдэлт бусад бэлдмэл ба жирэмслэхээс сэргийлэх бэлдмэл 1.0 (0.7%) сая төгрөгөөр буурч, харин сэтгэцийн болон зан үйлийн эмгэгийг эмчлэх эм 114.9 (70.6%) сая төгрөгөөр нэмэгджээ.
Улсын хэмжээнд энэ оны нэгдүгээр сард 6208 эх амаржсан нь өмнөх оны мөн үеэс 252 (4.2%)-оор нэмэгдсэн байна. Амаржсан эхчүүдийн 4619 (74.4%) нь 6, түүнээс дээш удаа жирэмсний хяналтад хамрагдсан нь өмнөх оны мөн үеэс 158 (3.5%)-аар нэмэгджээ.
Нийт амаржсан эхчүүдийн 16 (0.3%) нь гэртээ төрсөн бөгөөд өмнөх оны мөн үетэй харьцуулахад 5 (23.8%)-аар буурчээ. Эрүүл мэндийн яамны “Төрөлтийн цахим бүртгэл”-д нийт амаржсан эхийн 6133 нь хамрагдаж, 6206 хүүхдэд регистрийн дугаар олгожээ. Нийт төрсөн хүүхдийн 3160 нь эрэгтэй, 3046 нь эмэгтэй, 145 нь ихэр, хүүхдийн дундаж жин 3390 грамм, дундаж өндөр 50.7 см байна.
Амаржсан эхчүүдийг насны бүлгээр харвал, 3.7 хувь нь 20 хүртэлх насны, 92.6 хувь нь 20-39 насны, 3.7 хувь нь 40-өөс дээш насныхан байна. Амаржсан эхчүүдийн 1.2 хувь нь боловсролгүй, 4.7 хувь нь бага, 12.5 хувь нь суурь, 34.8 хувь нь бүрэн дунд, 6.0 хувь нь техникийн болон тусгай мэргэжлийн, 39.2 хувь нь дипломын болон бакалаврын, 1.6 хувь нь магистр, докторын зэрэгтэй байна. Амаржсан эхчүүдийн 40.3 хувь нь гэрлэлтээ албан ёсоор батлуулсан, 58.5 хувь нь гэрлэлтээ албан ёсоор батлуулаагүй, 1.2 хувь нь гэрлэлтээ цуцлуулсан байна.
