Гадаад харилцааны сайд Д.Цогтбаатар болон БОАЖ-ын сайд Н.Цэрэнбат нар мэдээлэл хийлээ.

Энэ үеэр Д.Цогтбаатар “Сүүлийн үед халдварын дэгдэлттэй холбогдуулан Монголын олон иргэн, аж ахуйн нэгж сэтгэлийн тус дэм, хандив өгөх санаачилгыг гаргаж байна. Хандивын аян олон сувгаар явж байгаа учраас үр дүнтэй болгох үүднээс зохион байгуулалттай хийх чиглэл гарч байна. Өмнө нь Засгийн газар, НЗДТГ, МҮХАҮТ, Хятад сургууль төгсөгчдийн холбоо, АН-аас тодорхой хандив өгсөн. Тиймээс энэ ажлыг илүү зохион байгуулалттайгаар нэг улс нэг үндэстэн, хөрш улсдаа тусламж үзүүлэх үүднээс зохион байгуулж байна. Сая ДЭМБ-ын удирдлагатай уулзсан. Энэ үеэр цаашдын төлөв хандлагын талаар ярьсан. Үүн дээр гол яригдсан зүйл нь улс орон бүр дор бүрнээ урьдчилан сэргийлэх арга хэмжээгээ авбал халдварын эсрэг ажил үр дүнтэй байж чадах юм байна гэсэн. Тэр утгаараа манай улс дор бүрнээ арга хэмжээ авч цагаан сараа тэмдэглэхгүй байхаар шийдвэрлэсэн. Хүн төрөлхтөнд тулгарч байгаа эрсдэлд нэгдсэн мэдээлэлтэй байх нь чухал. Эмчлэх арга, технологи бүх зүйлийн судалгаа тал талд явж байна. Үүнийг богино хугацаанд түгээх, дэлгэрүүлэх асуудал дэлхийн хэмжээнд тулгарч байна. Зохион байгуулалтай байж чадсанаар энэ халдварын ард гарч чадна. ДЭМБ-ын даргатай уулзаж байх үед халдварыг даван туулахад дэлхийн түвшинд улстөржихгүй байхад анхаарах хэрэгтэй гэх зүйл ярьж байна лээ. Тэрбээр сэтгэлийн дэм бол эм юм гэдгийг цохон тэмдэглэж байсан.

Одоогийн байдлаар БНХАУ-д манай улсын 336 иргэн байна. Хил хааснаас хойш 106 монгол иргэн орж ирсэн. Иргэдийгээ ойрын хугацаанд авна гэсэн чиглэлээр ажиллаж байна. Нөгөө талдаа ч гэсэн Аргентин тавьчихсан. Монгол хүн, гадаад хүн гэхгүй шүү дээ. Хэнд ч халдаж болох учраас карентины зохицуулалтыг өөрчлөх хэцүү. Гэсэн ч иргэдээ авчрах талаар ярьж байна” гэлээ.

Б.Лхам