Шинэ төрлийн коронавирусын халдварын талаар мэдээлэл хийлээ.

ЭМЯ-ны Олон нийттэй харилцах, Тандалт, шуурхай удирдлагын газрын дарга Д.Нарангэрэл “Коронавирус халдварын тархалт дэлхий дахинд эрчтэй байна. Тиймээс хамгийн сүүлчийн бодит зөв мэдээлэл өгч байгаа билээ. Өнөөдрийн байдлаар ГССҮТ-ийн эмч, мэргэжилтнүүд “Нэг дэлхий- нэг хүч” уриан дор Ухань хотод ажиллаж амьдарч байгаа эмч нарт нэг өдрийнхөө цалинг хандивлаж байна” гэлээ.

ХӨСҮТ-ийн захирал Д.Нямхүү “Энэ сарын 16-нд тусгаарлагдсан нэг тохиолдлын шинжилгээний хариу сөрөг гарсан. Өчигдөр ХӨСҮТ-д гурав, Говьсүмбэр аймагт хоёр тохиолдол тусгаарлагдсан. Эдгээр тохиолдлуудад хяналт явагдаж байна. Мөн иргэд өөрсдөө ирээд шинж тэмдэг илэрсэн эсэх зэрээр шинжилгээ өгч байгаа. Шинжилгээ өгсөн иргэдээс голдуу томуугийн ханиадтай иргэд их ирж байна. Гэхдээ ЭМЯ-аас зохион байгуулж байгаа иргэдэд гэрээр нь үйлчилгээ үзүүлэх төлөвлөгөө зөв юм. Учир нь эмнэлэгт олон төрлийн халдвар цугладаг. Тиймээс эмнэлгийн байгууллагаар их явахгүй байх нь зүйтэй гэсэн үйлчилгээ голлож байна” гэсэн юм.

Б.Лхам