Иргэний нийгмийн байгууллагууд Ерөнхийлөгч асан Ц.Элбэгдорж, Ерөнхий сайд асан Ч.Сайханбилэг нарыг интерполоор эрэн сурвалжилж байгаа асуудлаар төрийн тусгай хамгаалалтын албаны даргад шаардлага хүргүүллээ.
Шаардлагад “Төрийн тусгай хамгаалалтын алба нь ҮАБЗ-ийн гишүүд болох Ерөнхийлөгч болон Ероөнхий сайд, УИХ-ын дарга нарыг албан тушаалд ажиллаж байсан хүмүүсийг бүрэн эрхийнх нь хүрээнд тусгай хамгаалалтад авдаг. Гэтэл танай алба Ерөнхийлөгч асан Ц.Элбэгдорж, Ерөнхий сайд асан Ч.Сайханбилэг нарыг төрийн тусгай хамгаалалтад байлгах чиг үүргээ умартаж оргон зайлуулсан байна. Улмаар АТГ-аас дээрх хүмүүсийг олон улсын хэмжээнд интерполоор эрэн сурвалжлуулахаар болсон. Төрийн тусгай хамгаалалт нь хувь хүний хамгаалалт биш. Иймд танай байгууллага эдгээр хүмүүсийг оргуулахад биечлэн оролцсон уу. Хоёрдугаарт, албан үүрэгтээ хайнга хандаж, Үндэсний аюулгүй байдалтай холбоотой мэдээ мэдээллийг алдагдахад хүргэж байна уу. Гуравдугаарт, танай алба хаагчид хоёр объектоо алдаж интерполоор эрэн сурвалжлагдаж байгаа энэ хугацаанд хариуцлагын арга хэмжээ авч байсан уу. Эдгээр асуудалд зургаан цагийн хугацаатай хариу өгөхийг шаардаж байна.
Хариу өгөөгүй тохиолдолд Төрийн тусгай албыг шалгуулах хүсэлтээ өгнө гэдгээ мэдэгдэж байна” гэлээ.
Тэдний зүгээс “АТГ-ын хэвлэлийн албаны мэдээлж байгаагаар 2019 онд гэрт нь гурван удаа албан тоот өгсөн боловч ирээгүй. Интерполд Ц.Элбэгдорж, Ч.Сайханбилэг нарыг орж ирэнгүүт нь таслан сэргийлэх, хорих албан тоот гаргаж нэгдүгээр сарын 10-нд өгсөн байна. Гэтэл тусгай чиг үүргийн алба нь Ерөнхийлөгч, Ерөнхий сайдаа дэлхийгээр нэг тараачихлаа. Ялангуяа Ч.Сайханбилэг олон улсын өмгөөллийн фирм хөлсөлсөн гэдэг нь бүр хар төрүүлж байна. Олон жилийн хугацаанд ямар ажил хийсэн юм. Ч.Сайханбилэг төрийн нууцтай холбоотой бүх асуудлаа задалсан нь тодорхой байна. Ерөнхийлөгч асан Н.Энхбаярыг баривчлахад хүртэл Иөрийн тусгай хамгаалалтын албаны хамгаалагч цуг хоригдож байсан шүү дээ. Тиймээс энэ байгууллага хариуцлага хүлээх ёстой” гэлээ.
Б.Лхам
Сэтгэгдэл (14)