УИХ-ын дарга Г.Занданшатар МҮХАҮТ дээр үйлдвэрлэл эрхлэгчидтэй уулзлаа. УИХ-ын дарга Г.Занданшатар “Цаг үеийн нөхцөл байдалтай холбогдуулан ҮСХ  зах, супермаркетуудын үнэ, хангамжийн судалгаа хийсэн. Мөн зарим иргэдийн хариуцлагагүй мэдээллээс үүдэн хомсдол үүсч, үнийн хөөрөгдөл бий болсон. Үүнтэй холбоотойгоор УИХ-ын гишүүн Ж.Ганбаатараар ахлуулсан ажлын хэсэг гаргасан.

Өчигдөр супермаркет, зах худалдааны төвүүдэд ажилласан. Тэдний зүгээс үнийн ямар ч өсөлт байхгүй гэдгийг хэлсэн. Түүнчлэн Бөмбөгөр зах дээр ажилласан. Махны үнэ жил бүрийн цагаан сарын өмнө өсдөг. Энэ давтамж ажиглагдсан. Харин эмийн сангуудад маск байхгүй байна. Маскны материалаа Ухань хотоос татдаг байсан. Одоо түүхий эдээ Туркээс татаж болох талаар ярьж байна. Түүхий эдээ татлаа гэхэд хэдий хугацаанд хийх боломжтой вэ. Цагаан сарыг хориглосон ч халдварын оргил үеийг гурав, дөрөвдүгээр сард болно гэж ярьж байна. Үүнээс урьдчилан сэргийлэхгүй бол болохгүй. Туркийн Элчин сайдын яамнаас шууд нислэг хөнгөлөлттэй үнээр явуулах боломжтой гэсэн.

Улаан буудай 60 мянган тонн импортлох квот тогтоосон Квотыг бүх үйлдвэрүүдэд олгосон. Өчигдөр ярилцаж байгаад квотыг нэмэхээр боллоо. Бусад хүнсний бүтээгдэхүүн дээр та бүхний саналыг асууя. Зарим татварыг бууруулах, хөнгөлөх талаар ярьж болно. Маргааш УИХ дахь Аюулгүй байдал, гадаад бодлогын байнгын хороон хурал зарласан. Хурлаар цаг үеийн байдал, эм хангамж зэргийг хэлэлцэнэ.

Түүнчлэн бэлэн бус гүйлгээг дэмжих зорилгоор долоо хоногийн хугацаанд гүйлгээний шимтгэлийг зогсоосон. Үнэгүй бяслаг хулганы хавханд л байдаг шиг зах зээлд үнэгүй зүйл гэж байхгүй. Тиймээс зээлийн хүү буурах ч мөнгөний үнэ цэн. Харин зарим давагдашгүй хүчин зүйлээс улбаалан бодлогын хүүг бууруулах асуудлаар Монголбанк ярина” гэлээ.

Б.Лхам