УОК-оос гаргасан шийдвэрийн талаар Шадар сайд Ө.Энхтүвшин мэдээлэл хйилээ.

Тэрбээр “БНХАУ-д өргөн дэлгэр тэмдэглэдэг хаврын баярын үеэр 5 сая орчим хүн 84 орчим сая хүн шилжилт хөдөлгөөн хийсэн нь уг өвчний халдвар тус улсын бүх мужид тархах шалтгаан болсон гэх дүгнэлт хийсэн. Эндээс бид сургамж авах ёстой. Удахгүй сар шинийн баяр олно. Тиймээс ойр ойрхон хуралдаж, шийдвэр гаргах шаардлагатай.

Аймгийн онцгой комиссын дарга нараас санал ирсэн. Тэдний зүгээс битүүний өдөр болон шинийн 1, 2, 3-ны өдрүүдэд нийслэлээс ирэх болон аймгаас гарах замын хөдөлгөөнийг зогсоож өгөхийг хүссэн. Энэ асуудлыг хэлэлцэж улс хот  хоорондын зорчигч тээврийн хөдөлгөөнийг энэ сарын 23-ны 08.00 цагаас 27-ны 08.00 цаг хүртэл түр зогсоох арга хэмжээ авах шийдвэр гаргалаа.

Ингэхдээ нислэг хамаарахгүй. Нислэг дотор гол нь уул уурхайн захиалгат нислэг бий учраас явдгаараа явна. Бусад автобус, галт тэргээр зорчих хөдөлгөөн хамаарах юм.

Гуравдугаар сарын 2-ыг хүртэл хугацаанд нүүрс тээвэрлэлтийг түр зогсоосон. Өчигдөр энэ асуудал яригдсан. Хэвийн явуулах энэ бэлтгэлийг хангах чиглэлээр холбогдох сайд дарга нарт үүрэг болголоо.

Мөн улс хоорондын ачаа тээш,зүтгүүрийн бие бүрэлдэхүүн, хөдөлмөрийн аюулгүй байдлыг хангаж, тээврийн хэрэгслийн жолооч нарын хоол хүнс, халдваргүйжүүлэлтийг хангаж ажиллахыг холбогдох дарга нарт үүрэг болголоо.

Түүнчлэн халдвар гарсан орон руу аялал жуулчлал зохион байгуудлахгүйм байх үүрэг болголоо” гэлээ.

Б.Лхам