“Эрдэнэс Монгол” ХХК арилжааны банкуудтай “Иргэний тэтгэвэр барьцаалсан зээлийн төлбөрийн үүргийг үнэт цаасаар төлөх тухай гэрээ”-нд гарын үсэг зурлаа.

Энэ талаар УИХ-ын дарга Г.Занданшатар “Сар шинийн босгон дээр “Эрдэнэс Монгол” ХХК-ий Эрдэнэс бонд гаргаж, арилжааны банкуудад шилжүүлж улмаар тэтгэврийн зээлийг тэглэх ажил албан ёсоор албажиж байна. Энэ ажилд чин сэтгэлээсээ ажилласан та бүхэнд талархаж байна.

Энэ нь Монгол Улсад байгалийн баялгийг ард түмний мэдэлд байх үндсэн зарчимд нийцүүлж, Үндсэн хуулийн нэмэлт, өөрчлөлтийн үндсэн санаа бодитой хэрэгжиж байгаа жишээ юм. Хувьтай хүн хулгана жилийг үзнэ гэдэг. Хулгана жилийн босгон дээр тэтгэврийн зээлтэй ахмад иргэдийнхээ тэтгэврийн зээлийг тэглэх ариун сайхан ажлыг дэмжиж ажилласан бүх хүмүүст баярлалаа. Ингээд гарын үсэг зурах ёслолын ажиллагаа нээснийг мэдэгдье.

УИХ-аас тэтгэврийн шинэчлэлийг Н.Учрал гишүүнээр ахласан ажлын хэсэг гаран ажиллаж байна. Үүнтэй зэрэгцэн Үндэсний баялгийн сан, байгалийн баялаг ард түмний мэдэлд байх ажлыг Д.Сумъяабазар сайдаар ахлуулсан ажлын хэсэг хууль тогтоомж боловруулан ажиллаж байна” гэлээ.

А.Сүх