Шинэ төрлийн коронавирусын халдвар БНСУ-д эрчимтэй тархаж байна. Тиймээс халдвар тархахаас сэргийлж дэлхийн 15 улс тус улсын иргэн, тус улсаас зорчин ирэх аль ч улсын иргэнийг өөрийн улсдаа нэвтрүүлэхгүй байх шийдвэрийг гаргасан аж.
Тэгвэл БНСУ-аас Улаанбаатарын чиглэлд 3668 хүн ирэх захиалга өгсөн бол 2400 хүн Солонгос явах билет захиалжээ. Иргэдийн хөдөлгөөнийг сааруулах үүднээс Зам тээврийн хөгжлийн яамнаас тус ирэх нислэгийг ирэх сарын 2-ны өдөр хүртэлх хугацаанд түр хязгаарлах санал гаргасан.
Энэ хүрээнд Шадар сайд Ө. Энхтүвшинөөр ахлуулсан Улсын онцгой комиссын худалдаанаас БНСУ-аас ирэх нислэгийн хөдөлгөөнийг ирэх сарын 2-ны өдрийг хүртэл хязгаарлах шийдвэр гаргасан байна. Тодруулбал, дамжин өнгөрөх нислэгийг зөвхөн Инчионы нмисэх буудлаас авах юм байна.
Билет захиалсан иргэдийн захиалгын төлбөрийг нөхөн олгох бөгөөд ингэхдээ хорио цээр тавигдсны дараа цуцлагдсан билетээ дахин ашиглах боломжоор хангах аж.
Г.Маргад
Сэтгэгдэл (5)