Энэ сарын 23-нд ХӨСҮТ-д тусгаарлагдсан найман тохиолдол гарсныг ХӨСҮТ-ийн ерөнхий захирал Д.Нямхүү ээлжит мэдээллээ хийх үеэрээ онцоллоо.
Тэрбээр "Эдгээр хүнээс коронавирус илрээгүй. Үүний зургаа нь БНСУ-аас ирсэн солонгосын иргэд байгаа гэдгийг та бүхэн мэдэж байгаа. Хоёрдугаар сарын 24-ний өдөр Сөүл-Улаанбаатарын онгоцоор ирсэн таван хүнийг ХӨСҮТ-д тусгаарласан. Мөн Орхон аймагт нэг сэжигтэй тохиолдол тусгаарлагдсан. Одоогийн байдлаар нийт зургаан сэжигтэй тохиолдол ХӨСҮТ-д тусгаарлагдаад, эмчийн хяналт дор хянагдаж байна.
Улс орнуудад коронавирусийн халдвар хурдан тархаж байна. Бусад улс орон голомтыг хязгаарлахын тулд хөрөнгө мөнгөө зарж байна. Монгол Улсад коронавирус бүртгэгдээгүй байна. Иймд хүн бүхэн чармайхыг зөвлөж байна. Хүн болгон анхааралтай байхыг дахин зөвлөж байна. Хүн болгон хичээвэл энэ өвчний оруулж ирэхгүй байх боломж бий. Нэг хүнийг тусгаарлаж хянахын тулд 8,9 хүнтэй баг явна. Дүрэм, журам нарийн хүн хүч, хөрөнгө мөнгө зарцуулагдаж байгаа гэдгийг өдөр болгон санаж босож ирэх хэрэгтэй" гэв.
