Дэлхийн эрүүл мэндийн байгууллагын мэдээллэснээр халдварын 80809 тохиолдол бүртгэгдсэнээс 2759 хүн нас баржээ. Мөн 36 улсад 2600 тохиолдол батлагдаж, 41 хүн нас барсан бол Өмнөд Солонгос, Итали, Иран зэрэг улсад эрчимтэй тархаж байгаа аж.

Энэ талаар АНУ-ын талаар Асмерикт халдвар хэзээ тархах бэ гэдэг асуулт тулгараад байна. Халдвар тархсан цагт хэдэн иргэнд хүнд хэлбэрээр тусахыг хэлэх боломжгүй байна гэдгийг онцолсон аж. Энэ сарын 26-ны өдрийн байдлаар БНХАУ-д 406 шинэ тохиолдол бүртгэгдсэн гэдгийг Эрүүл мэндийн яамнаас мэдээллээ. 

Цаг үеийн асуудлаар ХӨСҮТ-ийн дарга Д.Нямхүү "Улсын хэмжээнд нийт таван иргэнийг тусгаарлаж, тандалт судалгаа хийж байна. БНСУ-д яваад буцаж ирсэн иргэдийн хувьд ХӨСҮТ-д зургаа, Асралт мед эмнэлэгт 37, аймгуудад 10, Улаанбаатар хот дахь гэрт нь найман хүнийг тусгаарлаж, ажиглалт хийж байна. 

Өнөөдөр өглөө "Москва-Улаанбаатар" хотын чиглэлд Италийн Мелан хотод загварын шоунд оролцоод ирсэн зургаан монгол, хоёр Итали  зорчигчийг ХӨСҮТ-д тусгаарлаж, хяналтад аваад байна" гэлээ.

Ташрамд дурдахад Итали Улсад шинэ коронавирус (covid19)-ийн халдварын тархалт хурдацтай нэмэгдэн, Ломбарди, Венето, Эмилия Романя, Пиемонте, Лацио, Тоскана, Сициль мужуудад хоёрдугаар сарын 26-ны өдрийн байдлаар 322 хүн халдвар авч, 11 хүн нас бараад байна.

Тэгвэл энэ сарын 25-ны өдрийн байдлаар БНСУ-аас Монголд ирсэн нэг иргэний хоолой өвдсөн гэх шинж тэмдэгтэйгээр Багануур дүүргийн нэгдсэн эмнэлэгт хандсан учир зочилж очсон таван айлд хэсэгчилсэн хөл хорио тогтоогоод буй.  Мөн энэ сарын 25-д "Улаанбаатар-Баян-Өлгий" чиглэлийн онгоцоор ирсэн зорчигчдын дунд байсан БНСУ-аас ирсэн Вьетнам Улсын иргэн өндөр халуурсан учир аймгийн онцгой комисс хуралдаж, яаралтай арга хэмжээ авахаар болсон.

Хамгийн сүүлийн мэдээгээр Өмнөд Солонгос улсад нэг хоногийн дотор халдвар авсан хүний тоо 169-өөр нэмэгдэж, 1166 болсон нь онц байдал зарлах хэмжээнд хүрснийг хэвлэлийнхэн онцолсон байна.

Г.Маргад