Шинэ төрлийн коронавирусын тархалтын нөхцөл байдлын талаар мэргэжлийн байгууллагууд мэдээлэл хийлээ.

ЭМЯ-ны Нийгмийн эрүүл мэндийн газрын дарга Д.Нарангэрэл “Өчигдөр мэдээлэл өгснөөс хойш дэлхийн таван тив, 41 орныг хамарлаа. БНСУ болон Иран, Итали зэрэг орнуудад эрчимтэй тархсаар байна. Тиймээс иргэдийн зүгээс дархлаагаа сайжруулах, архаг хууч өвчтэй хүмүүс өвчнөө эмчлэх зэрэг хүн бүр бэлэн байдлаа хангах болсон байна. Нэг орноос нөгөө оронд халдах эрсдэл их байна. Ялангуяа европын орноор их гарч байгаа нь эрдэмтдийн анхаарлыг ихээр татаж байна” гэв.

ДЭМБ-ын мэргэжилтэн О.Ариунтауяа “Өнөөдрийн байдлаар БНХАУ-д 78491 тохиолдол бүртгэгдэж, 29 хүн амиа алдлаа. Хятадаас бусад улсуудад гарсан халдвар анх удаа тус улсаас өндөр гарлаа. Бразил, Гүрж, Пакистан зэрэг улсуудад шинээр халдвар бүртгэгдсэн. Тухайлбал,  БНСУ-д 1595 тохиолдол болж нэмэгдлээ. Итали улсад 11 хотод хөл хорио тогтоогоод байна. ДЭМБ-аас хариу арга хэмжээ авч, тусламж үзүүлэхээр ажиллаж байна” гэлээ.  

А.Сүх