Монгол Улсаас Япон улсад суугаа Элчин сайдын яам нь Япон Улсын Халдварт өвчин судлалын үндэсний төвийн харъяа Токио хотын Мусашимураяма хотод байрлах Вирусын төв лаборитороос шинэ төрлийн “коронавирус”-ын халдварт өвчний 2000 ширхэг оношлуурыг хүлээн авсан байна. Уг оношлуурыг энэ сарын 26-нд буюу өчигдөр хүлээн авч өнөөдөр Монгол Улс руу илгээсэн талаар Элчин сайдын яамнаас мэдэгдсэн байна.

Ташрамд дурдахад, Япон Улсын Халдварт өвчин судлалын үндэсний төвөөс өмнө нь буюу нэгдүгээр сарын 27-ны өдөр 200 ширхэг, хоёрдугаар сарын 10-ны өдөр 1000 ширхэг PCR эмнэлзүйн оношлуур, оношилгооны бэлдэцийг манай улсад нийлүүлсэн юм.