104 жилийн түүхтэй уран гулгалтын ДАШТ цуцлагдах магадлалтай болжээ. Энэ талаар Занадын Квебек мужийн Эрүүл мэндийн сайд Даниэль Маккенн мэдэгдсэн бөгөөд шалтгааныг нь шинэ төрлийн коронавирусний халдвараас болсон хэмээжээ. 

Уран гулгалтын 2020 оны ДАШТ Канадын Монреаль хотод энэ сарын 18-наас 22-нд зохиогдох байсан юм. 

1896 оноос хойш зохион байгуулагдаж уг тэмцээн нь Дэлхийн I, II дайны улмаас 14 удаа зохиогдоогүй бол 1961 онд АНУ-ын шигшээ баг онгоцны ослоор сүйрсний дараа нэг удаа цуцлагдаж байсан түүхтэй. Хэрвээ энэ удаа цуцлагдвал 104 жилийн хугацаанд 16 дахь удаагаа цуцлагдсан тохиолдол боллоо. Шинэ төрлийн коронавирусний халдвар нь Канадын Квебек болон Монреальд гарсан байна.