Хойд Америкийн үндэсний сагсан бөмбөгийн холбоо NBA-ийн Брүүклин Нетс багийн дөрвөн гишүүний коронавирусний халдвар авсны дотор Кевин Дюрант багтжээ. Улмаар Кевин Дюрант тэргүүтэй дөрвөн хүн өөрсдийгөө тусгаарлаж, багийнхаа эмч нарын хяналтад байгаа тухай Брүүклин Нетс багийн зүгээс мэдээлжээ.
Ингэснээр NBA-д Рүди Гобер, Донован Митчелл, Кевин Дюрант, Кристиан Вүүд зэрэг тоглогчид шинэ коронавирусний халдвар аваад байна. NBA-ийн аварга, "Улирлын үнэ цэнэтэй тоглогч" Кевин Дюрант өнгөрсөн зун Брүүклин Нетс багтай дөрвөн жилийн 164 сая ам.долларын гэрээг үзэглэсэн. Гэвч тэрбээр ахиллесийн шөрмөсөө тасалсны улмаас энэ улирлыг өнжихөөр болсон байдаг.