АН-ын нарийн бичгийн дарга О.Магнай цаг үеийн асуудлаар мэдээлэл хийв. Энэ үеэрээ шинэ коронавирусний халдвартай холбоотойгоор иргэн бүрт 1 сая 242 мянга 721 төгрөгийг ирэх дөрөвдүгээр сарын эхний долоо хоногт багтаан өгөх шаардлагыг Ерөнхий сайд, МАН-ын дарга У.Хүрэлсүхэд хүргүүлэхээр болсноо мэдэгдэв.

Тэрбээр “Нэгдүгээр сараас эхлэн хөл хорио тогтоож, өнөөдрийн байдлаар тавдугаар сар хүртэл сунгаад байна. Халдварт вирусээс үүдсэн хөл хориог ийнхүү уртасгахын хирээр эдийн засаг хумигдаж, ажилгүйдэл нэмэгдэн үйлдвэрлэл үйлчилгээний салбар бүхэлдээ дампуурах аюулд хүрсэн.

Онцгой байдал үүссэн үед Засгийн газар онцгой нөхцөлөөр ажиллах ёстой ч өнөөдрийг хүртэл бодитой бодлого танилцуулсангүй. Иймд Үндсэн хуулийн 5.4, 16 дугаар зүйлд заасныг үндэслэн шаардлагыг хүргүүлж байна. Дэлхийн бүх орон эдийн засгаа аврахын тулд иргэдээ мөнгө тарааж байна. Энэ бол онцгой байдал. Иргэн бүрт мөнгө тараах гэсэн сонгуулийн популизм биш” гэв.

С.Сүлд