“Зөв амьдрах ухаан” mөрийн бус байгууллагын тэргүүн Г.Загдаад цагдаагийн байгууллагаас хэрэг бүртгэлт, мөрдөн байцаалтын гурван хэрэг нээж шалгагдаж байгаа тухай холбоглох эх сурвалж мэдээллээ.

Тухайлбал, 

• Баянзүрх дүүргийн 5 дугаар хорооны гадаа Г.Загдаа нь иргэн Б-г зодож, эрүүл мэндэд нь хохирол учруулсан хэрэгт Монгол Улсын Эрүүгийн хуулийн 11.6 дугаар зүйлийн 1 дэх хэсэгт зааснаар яллагдагчаар татагдсан,
• Баянзүрх дүүргийн Засаг даргын тамгын газарт Г.Загдаа нь иргэн М-г зодож, эрүүл мэндэд нь хохирол учруулсан хэрэгт Эрүүгийн хуулийн 11.6 дугаар зүйлийн 1 дэх хэсэгт зааснаар яллагдагчаар татагдсан,
• “Зөв амьдрах ухаан” төрийн бус байгууллагад дуудлагаар очсон төрийн албан хаагчийн биед халдсан хэрэгт нь Эрүүгийн хуулийн 23.1 дүгээр зүйлийн 1 дэх хэсэгт зааснаар яллагдагчаар татаж хэргийг шалгаж байгаа аж.

Дээрх хэргүүдээс гадна дээрх төрийн бус байгууллагаас хүүхдээ авах гэсэн эмэгтэйг хэл амаар доромжилсон бичлэг нь олон нийтэд ил болсон юм. Уг үйлдэлд нь цагдаагийн байгууллагаас Зөрчлийн тухай хуулийн 6.21 дүгээр зүйлийн 1 дэх хэсэгт заасны дагуу Зөрчлийн хэрэг үүсгэж, Г.Загдааг 2000 нэгжтэй тэнцэх хэмжээний төгрөгөөр буюу 2 сая төгрөгөөр торгож шийдвэрлэсэн талаар өөр нэгэн эх сурвалж мэдээлсэн юм.