ЭМЯ-ны Гадаад харилцааны хэлтсийн дарга Б.Янжмаа “ОХУ-д ирэс сарын 30-аас эхлэн нэг долоо хоног амрах шийдвэрийг Ерөнхийлөгч В.Путин гаргалаа. Харин Украин улс нэг сарын хугацаанд онц байдал зарлаж, хилээ хаалаа. Мөн Арабын нэгдсэн Эмират улс өнөөдрөөс эхлэн хөл хорио тавилаа. Энэ үеэр нийтийн тээвэр ажиллахгүй байх шийдвэр гаргажээ. Одоогийн байдлаар дэлхийн 165 орны боловсролын байгууллагын үйл ажиллагааг хаасан байна" гэлээ.
ЭМЯ-ны Эмнэлгийн тусламж, үйлчилгээний газрын дарга “Өнөөдрийн байдлаар улсын хэмжээнд 3500 хүнийг тусгаарласан. 24 цагийн дотор Дархан-Уул аймагт 23 тохиолдол ирсэн. Хоёр нь сэжигтэйгээр ХӨСҮТ-д очсон. Нэг нь 37.2 хувийн халуунтай, хоолой нь өвдсөн шинж тэмдэгтэй. Нөгөө нь Якутаас дамжиж ирсэн. Бие зараагаад байна гэсэн. Мөн Замын-Үүд дээр 33 хүн тусгаарлагдсан.
Бид түргэн тусламжийн дуудлагад байнгын хяналт тавьж байгаа. Нийт 1300 дуудлага авсан. Тусгаарлах байрыг сувилал, амралт, их, дээд сургуулийн дотуур байр гэсэн дараалалтай гаргаж 20 мянган хүнийг хэрхэн тусгаарлаж болох талаар судалгаа хийж, бэлтгэл байдлаа хангаж байна. Мөн орон нутгийн бүх галт тэргүүдэд эмнэлгийнхэн ажиллаж байгаа. Зорчигчдыг 2-3 удаа халууныг нь үзэж байгаа. Одоогийн байдлаар сэжигтэй тохиолдол байхгүй байна" гэв.
А.Сүх