Тусгаарлагдсан иргэдийг хотын төвд байрлуулах нь эрсдэлтэй гэж үзжээ. Тиймээс аль болох боломж бололцоогоо дайчлан хотын гадна байрлах амралтын газруудыг дайчлах шийдвэр УОК гаргасан байна.

Мэдээж бүх иргэдийг хотын гадна байрлуулах байрны хүрэлцээ байхгүй учраас эрсдэлийг бууруулах зорилгоор нэг өрөөнд нэг иргэнийг 21 хоног тусгаарлахаар шийдвэрлэж зочид буудлуудад албан бичиг хүргүүлээд байгаа юм байна. Учир нь нэг өрөөнд хоёроос дөрвөн хүн байрлаж байгаа нь халдварын тоог нэмэгдүүлэх өндөр эрсдэлтэй эрүүл мэндийн байгууллагын эрсдэлийн үнэлгээгээр гарчээ.

Мөн Сөүл, Токиогийн чиглэлийн нислэгээр ирэх иргэдийг нэгдүгээрт, тусгаарлах байхрныхаа төлбөрийг төлж, шинжилгээ өгсөн байх шаардлага тавьж байна. Учир нь сүүлийн үед коронавирусний халдвар гаднаас зөөвөрлөгдөн ирж байгаатай холбогдуулан шуурхай арга хэмжээ авч, эрсдэлийг бууруулах шийдвэр гаргахгүй бол олон нийтийн дунд тархах өндөр эрсдэлтэй гэж эрүүл мэндийн байгууллага болон эрдэмтэн судлаачид анхааруулжээ.  Ямартай ч гаднаас ирж байгаа иргэдээ аль болох хотын тусгаарлах арга хэмжээ авах аж.

А.Сүх