Өчигдөр буюу энэ сарын 25-ны өдрийн 20.00 цагын орчимд Сүхбаатар дүүргийн 18 дугаар хорооны нутаг дэвсгэр, Цагаан худгийн автобусны буудлын урд замд иргэн Ө /явган зорчигч/-ийг Тоёота приус маркийн тээврийн хэрэгслийн жолооч иргэн Д мөргөж амь насыг нь хохироосон хэрэг гарсан байна.
Уг зам тээврийн ослын хэргийн газрын үзлэгээр тогтоогдсон зарим нөхцөл байдлаас дурдвал, явган зорчигч иргэн Ө-гөөс таван метрийн зайд явган хүний гарц байсан аж. Гэвч тухайн иргэн гарцгүй газраар зам хөндлөн гарсан мөн Тоёота приус маркийн тээврийн хэрэгслийн жолооч иргэн Д нь хурд хэтрүүлсэн байж болзошгүй байдал тогтоогдсон байна. Одоогоор хэрэг бүртгэлтийн ажиллагаа явагдаж байна.
Тус дүүргийн хэмжээнд 2019 онд зам тээврийн ослын улмаас 15 хүний амиа алдсанаас хоёр нь жолоочийн буруугаас бусад 13 нь явган зорчигч гарцгүй газраар гарч явахдаа омолд өртсөн байна.
Иргэдэд анхааруулахад явган хүний гарцаар зам гарч өөрийн амь нас, эрүүл мэндийг хамгаалж, залуу үедээ үлгэр дуурайлал үзүүлэх шаардлагатайг Сүхбаатар дүүрэг дэх Замын цагдаагийн хэлтсээс анхаарууллаа.
Г.Маргад
Сэтгэгдэл (8)