Эрүүл мэндийн яамнаас коронавирусний халдвартай холбогдуулан мэдээлэл хийлээ.
ЭМЯ-ны хэлтсийн дарга Д.Нарангэрэл “Дэлхийн 201 улсад өвчлөл бүртгэгдсэн байна. Дэлхийн олон эрдэмтэн судлаачид коронавирусний хоёр дахь давалгаанд 10-45 насны хүмүүс өвчлөх тохиолдол ихэсч байгааг анхааруулж байна. Мөн БНХАУ-д халдвар нэмэгдсэн учраас агаарын нислэгээ зогсоож, хилээ хааж эхэллээ. Коронавирус агаар дуслаас гадна бохир зүйлээс халдварлах нь их байна” гэв.
ДЭМБ-ын мэргэжилтэн “Энэ сарын 26-ны байдлаар нийт 465.915 тохиолдол, 2131 нас баралт бүртгэгдсэн талаар ДЭМБ-аас мэдээлэгдсэн. Сүүлийн хоёр хоногийн дотор 100.000 тохиолдол нэмэгдлээ. Ялангуяа иргэний дайн, эмнэлгийн хэрэгсэл султай орнуудад туслахгүй бол дэлхийн бусад улс орнуудад эрсдэл үүснэ гэж үзэн тусламжийн ажил эхэллээ. Энэ бол заавал биелүүлэх үүрэг гэж ДЭМБ нэрлэж байна. Улс орнууд дангаараа ялалт байгуулахгүй. Хамгийн гол нь хоорондын харилан уялдаа чухал байна гэж анхааруулсан” гэлээ.
А.Сүх