Өнөөдрийн байдлаар коронавирусний халдвар дэлхийн 201 оронд бүртгэгдээд байна. ДЭМБ-ын зүгээс ядуу буурай орон болон дайн тулаантай, эмнэлгийн хэрэгслээр дутмаг улс орнуудад яаралтай туслахгүй бол байдал цаашид улам хүндрэс эрсдэл дагуулж байгааг анхааруулж байна.
Манай улсын хувьд гаднаас зөөвөрлөгдөж ирсэн халдварын 11 тохиолдол бүртгэгдсэн. Өнөөдрийн байдлаар нэмж халдвар илрээгүй байна. Мөн гаднаас тусгай үүргийн чиглэлээр иргэдэд тавих хяналтыг чангатгах бөгөөд халдварыг эрт илрүүлэх, бэлэн байдалд ажиллж байгаа гэдгийг Эрүүл мэндийн байгууллагынхан онцоллоо.
Энэ талаар ЭМЯ-ны Эмнэлгийн тусламжйн газрын дарга Я.Буянжаргал “Хөл хорио тогтоож эхэлснээс хойш нийт 3633 иргэнийг тусгаарлан ажиглалтад авснаас одоогийн байдлаар тусгаарлах байранд 2216 иргэн байна. Баян-Өлгий аймагт нэг иргэн, Дархан-Уул аймагт 34, Баянбуурлын амралтад 130 гаруй иргэн нэмж тусгаарлагдсан. Баянбуурлын амралтад нэмэгдсэн нь ОХУ-аас орж ирсэн иргэд байна.
Мөн бидний зөвлөмжийг дагаж хамтран ажиллаж байгаа иргэддээ Эрүүл мэндийн байгууллагын зүгээс талархал илэрхийлмээр байна. Иргэдийнхээ төлөө цаашид ч тууштай ажиллана гэдгээ хэлье. Мөн өнөөдөр дэлхийн улс орнуудын Эрүүл мэндийн сайдуудтай цахим хурал хийхээр болсон. Уг хурлаар дэлхийн улс орнуудын авч хэрэгжүүлж байгаа ажлын талаар туршлага солилцох юм” гэлээ.
А.Сүх