Дэлхий дахинд коронавирусын халдварт өвчин (COVID-19) тархаж байгаатай холбоотой үүсээд буй аюултай нөхцөл байдлаас шалтгаалан харилцагчдаа санхүүгийн дарамтад орохоос урьдчилан сэргийлэх, онцгой үеийг даван туулахад нь дэмжлэг үзүүлэх зорилгоор Худалдаа, хөгжлийн банк зээлийн гэрээний нөхцөлд өөрчлөлт оруулах үйлчилгээний шимтгэл болон хугацаа хэтэрсэн тохиолдолд тооцдог нэмэгдүүлсэн хүүг авахгүй байх шийдвэр гаргалаа.

Энэхүү шийдвэр нь иргэдийн бүх төрлийн ХЭРЭГЛЭЭНИЙ ЗЭЭЛИЙН хувьд хамааралтай бөгөөд 2020 оны 7-р сарын 31-ний өдрийг дуустал хугацаанд хэрэгжинэ.

Цаг үеийн нөхцөл байдлаас шалтгаалан эрхэм харилцагч Таны орлого буурч, зээлээ төлөхөд хүндрэл үүссэн бол зээлийн гэрээний нөхцөлд өөрчлөлт оруулах хүсэлтээ ЭНД дарж ирүүлнэ үү.

Бид таны хүсэлтийг хүлээн авч, уян хатан нөхцөлөөр шийдвэрлэн ажиллах болно.

Бизнесийн зээлтэй харилцагчдын хувьд коронавирус халдварт өвчин (COVID-19)-ий улмаас орлого нь тасалдсан, буурснаас шалтгаалан зээлийн гэрээний нөхцөлд өөрчлөлт оруулах хүсэлтэй бол зээл авсан салбартаа хандах боломжтой.

Худалдаа, хөгжлийн банк нь харилцагчийн мэдээллийн нууцлалыг хадгалах үүднээс зөвхөн тухайн харилцагчтай харилцаж зээлийн гэрээний нөхцөлд өөрчлөлт оруулах хүсэлтийг хүлээн авч шийдвэрлэх тул гуравдагч этгээдэд хандахгүй байж, мэдээллийн нууцлалаа хадгалж, болзошгүй эрсдэлээс сэргийлэхийг зөвлөж байна.