Коронавирусний халдварын тархалтын талаар ХӨСҮТ-ийн дарга Д.Нямхүү мэдээлэл хийлээ. Тэрбээр "Сүүлийн дөрвөн онгоцоор ирсэн бүх зорчигдын шинжилгээг хийж дууслаа. Халдвар дахиж илрээгүй. Гэхдээ анхаарлаа сулруулахгүй. Хяналтын 21 хоногт маш сайн тандаж судална. 

Станбул-Улаанбаатар чиглэлийн онгоцоор ирсэн нэг зорчигчоос давтан шинжилгээгээр халдвар илэрсэн. Ингээд Монгол Улсад 12 халдвар албан ёсоор бүртгэгдлээ" гэлээ. Түүнчлэн Казахстан улсаас ирээд Баян-Өлгий аймагт тусгаарлагдсан байсан эмэгтэй бусдын бичиг баримтыг ашиглаж Улаанбаатар хот руу нэвтрэхийг завдсан. Уг үйлдлийг цагдаа, мэргэжлийн хяналт, эрүүл мэндийн байгууллагын ажилчид шуурхай таслан зогсоож, Эмээлтийн товчоон дээр саатуулсан. Өндөржүүлсэн бэлэн байдалд шилжсэн үеийн дүрэм, журам зөрчсөн учир холбогдох хуулийн дагуу шалгаж, хариуцлага хүлээлгэнэ" гэлээ.

Г.Маргад